تامر حسني يوجه نصائح لجمهوره: من أخ ليكم عاش تجربة كبيرة من الظلم والنجاح

نهال ناصر

نهال ناصر تاريخ النشر: الثلاثاء، 9 فبراير، 2021 | آخر تحديث:

تامر حسني

طلب الفنان تامر حسني بالأمس، من متابعيه أن يكتبوا له كل ما يزعجهم سواء في أنفسهم أو في المجتمع أو كل ما يواجهوه في الحياة، حتى يرد عليهم من خلال خبرته بعد التجارب التي مر بها طوال مشوراه الفني.

وقرر تامر حسني الرد على أغلب ما كٌتب له، موضحا أنه يجلس من الأمس يقرأ التعليقات، التي كان بها طاقة سلبية كبيرة، وحاول الرد على كل موضوع، مؤكدا أن ما يكتبه هو نابع من إنسان وأخ أكبر عاش تجربة كبيرة من الظلم والنجاح.

نرشح لك: بعد 33 عاما محمد رمضان يعيد تقديم أشهر مشاهد أميتاب باتشان

في البداية رد حسني على التعليقات التي تحدثت عن وجود المحسوبية والواسطة في كل شيء، وقال: "أنا شخصيا مريت بيه و قهرته وأنا طفل وشاب فقير اتعرضت له، بما أنك عايش في مجتمع فيه كدا يبقى مش قدامك غير التميز الواضح عشان كفاءتك تحرج أي مسئول أو مدير".

نرشح لك: تامر حسني: بنعيش في كراهية وحقد وطاقة سلبية وعندي خبرة لمواجهتها

فيما قال عن بعض الصفات المجتمعية وتغير قلوب الناس والشتائم الجارحة في التعليقات: "الدنيا بقت فجأة ماشيه بالعكس تلاقي إنسان حثالة وسفيه بقى مشهور فجأة و معاه فلوس وجهات مسئولة بتهتم بيه وتكتب عنه لأنهم شايفين أنه ليه موردين فا بيتاجروا بيهم وبعددهم وسايبين توعية وانقاذ فكر المجتمع وشبابه الصاعد، طبعا دا شيء سلبي وأحد سمات عصرنا، محتاجين نفهم أن السيرة الطيبة هي الأهم واللي بتدوم".

وعن الصفات الشخصية المزعجة قال: "مجرد أنك عارف عيبك ومعترف بيه دي أول خطوة إيجابية لعلاجك لازم أنت تقوّم نفسك أنت تبقى مُعلّم نفسك هو دا الصراع الدنيوي الحقيقي أنك تقاوم نفسك وتطور منها ، بص لعيبك حالا وكلمة قوله أقسم بالله هتخلص منك قول هبطل مخدرات هبطل سجاير هبطل خمره هخس هتخن هتمرن هواظب على الصلاه مش هبص لحياة غيري هبطل اللي مضايقني من نفسي أيا كان".

واختتم كلامه متحدثا عن تحديات المرض والصبر قائلا: "تحديات المرض وصبرك عليه والتعايش بصدر رحب مصاحب بإيمان حقيقي لكلمة الحمدلله ، ليه أجر أعظم من أي حاجه وخلي الأمل دايما موجود و لو حتى الدكاترة أكدولك أن مفيش أمل في الشفاء ، اعرف أن ربنا قادر على كل شيء، و لو يا سيدي ربنا أراد بقاء المرض معاك فا اعرف أنه اختار لك أصعب امتحان عشان شايلك أكبر أجر بس قول من قلبك الحمد لله بإيمان تام مش كلام بس".

وعلى صعيد آخر قرر تامر حسني بشكل نهائي عدم طرح فيلمه الجديد "مش أنا" في دور السينما إلا بعد أن تعود دور العرض للعمل بشكل كامل وليس 50% من طاقتها كما هو الحال الأن، ولم يحدد تامر حسني موعدًا محددًا لطرح الفيلم إلا بعد تحقق هذا الشرط.

فيلم "مش أنا" تدور أحداثه حول حالة نفسية ما تصيب "حسن"، والذي يجسده الفنان تامر حسني، وتربطه علاقة قوية جدًا بوالدته المريضة وهي الفنانة سوسن بدر، حيث يحرص دائمًا على الجلوس معها أطول وقت ممكن ومراعاتها والعناية بها فهى محور حياته.