عبر الفنان محمد فراج عن حزنه الشديد لرحيل المخرج السوري حاتم علي، الذي وافته المنية بالأمس عن عمر ناهز الـ58 عامًا.
أجهش في البكاء... عبد الرحيم كمال يحكي موقفًا مؤثرًا لحاتم علي في كواليس "أهو ده اللي صار"

ونشر محمد فراج عبر حسابه على Instagram صورة من كواليس مسلسل "أهو ده اللي صار" والذي جمعه بالعمل مع حاتم علي، وكتب معلقا: "للأسف الشديد ما اشتغلتش معاك غير مرة واحدة لكن كانت تجربة من أروع وأجمل التجارب اللي مريت بيها فى شغلي (مسلسل أهو ده اللى صار) كنت فيها الإنسان قبل الفنان.. الصديق قبل المخرج".

تابع: "كنت من أكتر المخرجين اللي اشتغلت معاهم على خُلق وقد إيه كنت بتحترم شغلك وبتحترم الممثل اللي معاك والتزامك واحترافيتك وإخلاصك ده غير الموهبة الكبيرة.. كان نفسي قوي أستمتع بالشغل معاك تاني بس الأعمار بيد الله".

"أهو ده اللي صار" تدور أحداثه خلال 100 عام، ويحكي تاريخ مصر من خلال قصة حب، وقام ببطولته روبي، وسوسن بدر، ومحمد فراج، وأحمد داود، ومحمود البزاوي، وأروى جودة، وعلي الطيب، ومحمد حاتم، وحازم إيهاب، تأليف عبد الرحيم كمال، وإخراج حاتم على، وكان من المقرر عرضه في رمضان 2018، لكنه خرج من العرض الرمضاني، وتم عرضه في مارس 2019، وحقق نسبة مشاهدة عالية.

اقرأ أيضا:

عهدي صادق يتعرض لوعكة صحية ويخضع لجراحة بالحوض

فيديو- وفاء عامر تحذر من النصب باسمها في أحد منتجات التجميل: رافعة قضية عليهم