علقت الفنانة يسرا اللوزي على الجدل الذي أُثير حول جلسة تصويرها أثناء الحمل والتي نشرت في إحدى المجلات الشهيرة.

وقالت يسرا اللوزي في مداخلة هاتفية ببرنامج "حديث القاهرة" مع الإعلامي خيري رمضان وكريمة عوض على قناة "القاهرة والناس":"من كام سنة نزلت صور حلوة وقلت صباح الخير واتشتمت، والناس بتهاجم وتشتم وتعودنا على هجوم السوشيال ميديا وتعودنا على التعليقات السخيفة وتعودنا منردش عليها، لان لو لو هقعد أرد على أى حاجة عمرى ما هلحق أعيش حياتي".

وتابعت يسرا اللوزي:"كنت أتمنى الناس تقرا المقال اللي نزل مع الصور وتفهم طبيعة الموضوع، قبل ما تهاجمني، الموضوع كان فنى أكتر من أى حاجة والسوشيال ميديا بقت كلها كذب فى كذب والناس كلها بتضحك على بعض، والواقع مش كده وكلنا بشر وفينا عيوب وكل الناس بتضحك على كل الناس والسوشيال ميديا مهمة ولكن أنا عندى معتقدات معينة ومش هتغير".

وأنهت يسرا حديثها قائلة:"بحب الناس تشوفني زي ما أنا بكل ابعاد شخصيتي، وحقيقي كان هدفي من الصورة أن الستات تفتخر بأمومتها وتتقبل شكلها في الحمل، أنا يحترم الجميع لكن مش من حق حد يشتم حد".

يشار إلى أن يسرا اللوزي وضعت طفلتها الثانية نادية منذ شهور قليلة.

من ناحية آخرى شاركت يسرا اللوزي في الدورة الـ42 من المهرجان كعضو لجنة تحكيم في مسابقة "آفاق السينما العربية".

اقرأ أيضاً

كلاكيت تاني مرة..ياسمين صبري بإطلالة مكررة لهيفاء وهبي

بالفيديو - محمود حميدة يعلق علي سؤال إنت بتاع ستات: هو المفروض اكون بتاع ايه!!