رسالة حمدي المرغني وإسراء عبد الفتاح لابنتهما في عيد ميلادها الأول "سنة كلها عياط وضحك"

محمد سلطان محمود

محمد سلطان محمود تاريخ النشر: الخميس، 3 ديسمبر، 2020 | آخر تحديث:

حمدي المرغني وإسراء عبد الفتاح

احتفل الممثلان حمدي المرغني وإسراء عبد الفتاح بعيد الميلاد الأول لابنتهما تمارا، ووجه كل منهما رسالة إليها.

تشر حمدي المرغني عبر حسابه على Instagram صورة جمعته بزوجته وابنته وكتب: "زي انهارده من سنه أتولدت ضحكتنا وفرحتنا وسر سعادتنا ربنا يحفظها ويبارك فيها".

تحدث المرغني عن تجربة الأبوة قائلا: "سنة كلها عياط وضحك ودكاترة وشقاوة، سنة كلها حنية وحُب منها بلا مقابل أو هدف، سنة كلها خوف وقلق عليها، سنة كلها كلام بالهمس وهي نايمة وصراخ ودوشة منها وإحنا نايمين".

أضاف حمدي المرغني: "كانت أجمل سنة في حياتنا وإن شاءالله كل السنين الجاية أحلي وأجمل بوجودها معانا ربنا يبارك فيها ويبعد عنها كل شر".

وجه المرغني حديثه إلى ابنته الرضيعة قائلا: "كل سنة وأنتي حتة مني كل سنة وأنتي نبض قلبي كل سنة وأنتي بنتي وحبيبتي كل سنة وأنتي دلوعة ماما وحبيبة بابا، كل سنه وأنتي أجمل تمارا".

أما إسراء عبد الفتاح فنشرت صورتين لها مع ابنتها في حمام السباحة وكتبت رسالة إليها قالت فيها: "كل سنة و أنتي قلبي و روحي وحياتي، كل سنة و انتي كل حاجة في الدنيا".

اقرأ أيضا:
يسري نصر الله: كلمتي في مهرجان القاهرة السينمائي كانت لدعم "موديل سقارة"

محظوظة... ابنة شيرين رضا تعلق على إطلالتها في افتتاح القاهرة السينمائي
تخدثت إسراء عن تجربتها في الأمومة موضحة: "أنا قبلك والله ما كنت عايشة، أنتي جيتي خليتيني أعرف نوع حب جديد كبير اكبر من أي حاجة في الدنيا، خليتيني أحس أن حتي الحب قبلك مكانش حب، خليتيني أحس بأحاسيس كتيير أوي مكنتش متخيلة أنها موجودة أصلا".

واصلت إسراء عبد الفتاح حديثها عن ابنتها تمارا: "خليتي لحياتي معني خليتيني أدعي لنفسي أن ربنا يطول في عمري و أدعي ان ميحصليش أي حاجة وحشة بس عشانك، أوعدك أني هعمل كل اللي أقدر عليه عشان أبقي الأم اللي بتحلمي بيها. ربنا يحفظك يا حبيبتي و يجعلك من الصالحات و ماشوفش فيكي اي حاجة وحشة يا رب، كل سنة و أنتي طيبة و جمبي و في حضني".

يذكر أن حمدي المرغني وإسراء عبد الفتاح تزوجا في سبتمبر 2017، عقب مشاركتهما سويًا في مواسم برنامج "مسرح مصر" الذي تم عرضه عبر قنوات MBC.