كشف الفنان إسلام إبراهيم عن استيائه من بعض الآراء التي سخرت من بدلته التي ارتداها خلال حفل افتتاح الدورة الرابعة من مهرجان القاهرة السينمائي الدولي.

ونشر إسلام إبراهيم صورة البدلة عبر حسابه على Facebook وكتب معلقًا عليها: "مالها البدلة يا جماعة مش فاهم، ولا عشان أنا اللي لابسها فمن حقك تشتم وتجرح حتى لو أنا ما أساءتش لك في حاجة أو غلطت فيك اللبس ده حرية شخصية البدلة كحلي في أبيض عادية جدا أنا شايفها حلوة ومازلت شايفها حلوة".

تابع نجم مسلسل "بـ100 وش": "بجد مهنة التمثيل بقت قاسية جدا ومش أي حد يتحملها، والتنمر اللي بيتعرض له الفنانين بقى لا يحتمل
ومحدش يقولي متردش أنت شخصية عامة أنا في الأول والآخر بني آدم وبرده مش هتقدروا تهزوا ثقتي في نفسي أو في ربنا، أكيد مش كل الناس مقصودة بالبوست بتاعي بفضل ربنا في ناس كتير بتحبني وبتحكم عليا من خلال فني اللي بقدمه وبس ربنا يخليكوا ليا ويكتر من أمثالكم".

وانطلق مساء أمس الأربعاء حفل افتتاح مهرجان القاهرة السينمائي الدولي في دورته الـ42 بدار الأوبرا المصرية، ويكرم في حفل الافتتاح بجائزة الهرم الذهبي التقديرية الكاتب المصري الكبير وحيد حامد، والكاتب والمخرج البريطاني كريستوفر هامبتون، كما يتم تكريم الفنانة منى زكي بجائزة فاتن حمامة للتميز.

يذكر أن إسلام إبراهيم شارك في مسلسل "بـ100 وش" خلال شهر رمضان الماضي وهو من تأليف أحمد وائل وعمرو الدالي، إنتاج العدل جروب، إخراج كاملة أبو ذكري، وشارك في بطولته نيللي كريم، آسر ياسين، علا رشدي، محمد عبد العظيم، شريف دسوقي، دنيا ماهر، سلوى محمد علي، حنان يوسف، زينب غريب وحسن أبو الروس.

اقرأ أيضا:

فيديو- بعد الفوز بجائزتها... منى زكي: عمري ما سمعت صوت راقي زي فاتن حمامة

تامر حسني: مختفي ليه؟ كنت بتخانق مع السقا على الفضائيات.. فيديو