علق الكاتب عمرو سمير عاطف عن مهاجمي تعدد الزوجات الذي انتشر في الآونة الأخيرة خاصة مع زفاف الفنانة درة الذي أشيع بعدها أنه زوجة ثانية للمهندس هاني سعد.

وكتب عمرو سمير عاطف عبر حسابه الرسمي بموقع Facebook:"بمناسبة الهجوم المتكرر علي تعدد الزوجات خلينا نسأل سؤال ونحاول نجاوب عليه بكل صراحة : ايه المطلوب؟، المطلوب ان العلاقات الجنسية خارج اطار الزواج تبقي مقبولة طالما عن تراضي وممكن في ظروف معينة وملابسات معينة ولطبقات معينة الراجل الهلاس يبقي اوكي طالما بعد كل تهليسه بيرجع لبيته ومراته بالعكس ده ممكن كمان تهليسه ده يبقي مدعاه للفخر والفشخرة".

وأضاف عمرو سمير عاطف:" طيب ايه اللي يحصل لو خلف من اللي كان مرافقها؟ تثبت بقي النسب بالمحكمة لو قدرت وحتى لو عملت كده فهى نفسها مالهاش حقوق لكن لو اتنين ستات اتفقوا انهم يتجوزوا راجل واحد او ارتضوا بده فلا واستحالة وايه التخلف ده؟؟ طيب هو مش ظلم برضه للزوجة ان جوزها يتجوز عليها؟ طيب وبالنسبه للست التانية اللي بقت زوجة تانيه هو مش كان ها يبقي ظلم برضه انها تبقي علاقة غير شرعية والتالتة والرابعة؟ هما مش كل دول كانوا ها يبقوا رفيقات في الضلمة والشرع اداهم الحق انهم يبقوا زوجات في النور؟".

وأنهى كاتباً:"طيب اشمعني الراجل يتجوز اربعة والست واحد بس ؟ واشمعني الست يبقي من حقها تتجوز واحد متجوز واحدة او اتنين او تلاتة والراجل لاء ؟ وبعدين يا اخي انت عارف في مجتمعك فيه كام ارملة وكام مطلقة وكام واحدة ظروفها ما تسمحلهاش انها تبقي زوجة وحيدة؟ كل دول يعملوا ايه ؟ يرافقوا؟ الموضوع هو كراهية كل ما هو شرع والترحيب بكل ما هو مخالف ليه الموضوع هو" وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لا يُؤْمِنُونَ بِالآخِرَةِ وَإِذَا ذُكِرَ الَّذِينَ مِنْ دُونِهِ إِذَا هُمْ يَسْتَبْشِرُونَ" يالا نفتح باب الحريات علي الاخر بس نيجي عند تعدد الزوجات ونمنعه لانه تخلف لكن لما راجل يتجوز راجل وست تتجوز ست وراجل يرافق ميت واحده وست تحب علي جوزها كل ده مقبول وعادي".

جدير بالذكر أن آخر أعمال الكاتب عمرو سمير عاطف هو مسلسل "النهاية" بطولة الفنان يوسف الشريف والذي عرض في رمضان 2020 الماضي.

يشار إلي أن مسلسل النهاية، بطولة النجم يوسف الشريف وشارك في بطولته بجانبة كوكبة من النجوم منهم أحمد وفيق وعمرو عبد الجليل وسهر الصايغ وناهد السباعي و زكي فطين عبد الوهاب ومحمد لطفي ومحمود الليثي و باسم مغنية ومحمد العمروسي وهو من تأليف عمرو سمير عاطف، وتصميم الأزياء إنجي علاء، ومونتاج عمرو عاكف، ومن إخراج ياسر سامي.

اقرأ أيضاً

إصابة ويجز بفيروس كورونا.. ويطالب المخالطين في الجونة بالعزل

بعد فيديو الكاشير.. اعتراف قديم لأحمد مالك بحبه للسرقة!