كشف الفنان رضا حامد عن موقف قاسي تعرض له من قبل الفنان عادل إمام خلال عملهما سويا في المسرح.

وخلال حلوله ضيفا في برنامج "90 دقيقة" الذي يعرض عبر شاشة "المحور" قال رضا حامد إن الفنان عادل إمام ظلمه وتجاهل موهبته بعد أن حقق نجاحا كبيرا معه في المسرح ثم شارك معه في فيلم "أمير الظلام" وحينها بدأت الصحافة تشيد بأدائه.

وأضاف رضا حامد "حد من الأشخاص القريبين من عادل إمام قالي انت مكسر الدنيا عادل إمام مش هيشغلك معاه تاني قولتله انت كداب، وروحت له المسرح وطلبت منه أن يبقي ليا الدور كخطوة تضيف ليا أكتر في العمل الجديد اللي بيتم تحضيره.

وتابع "رد عليا وقال لي: لأ يا حبيبي خلاص، أنا قدمتك وخلاص أشتغل بعيد عني، أستغربت وقتها، لكن في المسرح أنا مكنتش بضحك كتير فكملت معاه في المسرح ساعتها، قلت عليا وعلي اعدائي وكسرت الدنيا ضحك"..

وأوضح :سعيد عبدالغني بعدها كان معايا على المسرح والناس كانت ميتة من الضحك زعقلي وقالي عادل واقف في الكواليس، خلص بقي أنت هتترفد وأنا هاخد 15 يوم جزا بس مهمنيش أشتغلت وقعدت أضحك الجمهور وفي الأخر حصل خلاف من الإدارة كان وراه حد وسيبت المسرحية".

وأشار إلى أن عادل إمام هو من رشحه للمسرحية وفوجئ بموهبتي الكبيرة واستبعدني بعدها من كافة المسلسلات والأفلام التي شارك بها وأضاف "رغم كدا هيفضل عادل إمام".

وكان آخر عمل شارك به مسرحية "الزهر لما يلعب" لسمير غانم وشيرين.

اقرأ أيضا:

مرض محمود ياسين وتفاصيل الأيام الأخيرة... لماذا بكى عادل إمام؟

شهيرة تنعي محمود ياسين: رحل حبيب عمري