أثارت الفنانة السورية سلاف فواخرجي الجدل الفترة الماضية بسبب مسلسلها الذي يعرض حالياً "شارع شيكاغو" والذي لفت الأنظار منذ طرح الملصق الدعائي الخاص به.
وتحدثت فواخرجي عن المسلسل عبر حسابها بموقع وتطبيق Instagram، إذ نشرت صورة من العمل وعلقت عليها كاتبة:"الصور الجماعية اللي تصورناها بمسلسل شارع شيكاغو كتيرة ، دورت على صورة بتجمع الكل بدون استثناء مالقيت، لانو هالعمل اللي انعمل بالدمعة قبل الضحكة وبالشقا قبل الفرح، انعمل بروح الجماعة، بإيمان الجماعة، بتتفاوت نسبة الايمان احيانا من شخص لآخر، وهاد شي طبيعي، بس بالاخر في مسلسل اخد من عمرنا وحياتنا جزء مو بسيط ولاسهل، متل كل عمل بياخد مننا، بس في اعمال تانية بتعطي مو بس بتاخد".
وتابعت سلاف:"والاخد والعطاء ابدا مو مادي، وانما تأثر وتأثير، وفكر، ووجدان، ومسؤولية، وكتير من الحب، مسلسلنا شارع شيكاغو عطانا متل ماعطيناه، لأي درجة نجحنا او مانجحنا، مابعرف، المهم انو اشتغلناه بضمير بايمان باخلاص، وبايثار (عند الاغلبية)، وبعرفان مو نكران (كمان عند الاغلبية)، غامرنا بكتير مطارح بس ماخاطرنا، والفرق بين المغامرة والمخاطرة بسيط ، المهم يكون العقل حاضر ،والهدف واضح، والمسؤولية كبيرة".
وأضافت سلاف:"والمغامرة أساس بالفن، واللي بيخاف من المغامرة بيبقى مكانه عم يرواح، انحب المسلسل او مانحب، هو أمر خارج عن ارادتنا ورغبتنا، بس ماحدا بيقدر ينكر انو أثر، انو غيّر، وانو حرك مياه راكدة، وفتح آفاق لافكار مصبّرة، ولقلوب متحجرة بتتمنى تحب ومو قادرة، بكل الحب اللي الله عطاني ياه بقوة وانعم عليي فيه وبقدرتي عليه وبالتعبير عنه، بقول لعائلتي بمسلسل شارع شيكاغو بحبكم فردا فردا والاسماء كتيرة، وعزيزة، بحترم تعبكم، وشراكتكم ومحبتكم واحترامكم واخلاصكم، الفنيين العظيمين، ترفع لكم القبعة، الفنانين الأصدقاء والزملاء المقيمين او العابرين، لانتاج بأصحابه وإدارته ومنفذيه، الجزء الموسيقي الرائع اللي حكيت عنه مطولا ومابيخلص الحكي عنه، القسم الترويجي والمصوريين والصحفيين اللي كانوا معنا ووقفوا معنا بكل الحب من اول لحظة، والجمهور اللي حبنا ودعمنا وآمن فينا".
وأنهت سلاف حديثها كاتبة:"وأخيرا وليس آخرا، محمد عبدالعزيز، شريكي بالعمل، اجتمعنا بالفكر وتجلينا بالروح وحتى الجنون كمان تشاركنا فيه بكتير من الشغف والحب، سعيدة انو ايدي وايدك كانوا سوا، كبداية طريق بعدنا بأوله انت وانا".
مسلسل "شارع شيكاغو" دراما بوليسية رومانسية تدور أحداثها في حقبتين مختلفتين هما الزمن الحالي وستينيات القرن الماضي، من بطولة عباس النوري، سلاف فواخرجي، دريد لحام، أمل عرفة، مهيار خضور، حسام الشاه، جهاد سعد، نادين خوري، ماهي الراعي، تيسير إدريس، نادين سلامة، وسيم الرحبي، نظلي الرواس، تأليف وإخراج محمد عبد العزيز.
اقرأ أيضاً