يقدم كل من الفنان تامر حسني والفنان محمود العسيلي خلال ساعات دويتو يجمعهما معا سيحمل اسم "اختراع".
دويتو تامر حسني ومحمود العسيلي "اختراع"
وبمناسبة هذا المشروع الفني الجديد، كشف محمود العسيلي لأول مرة تفاصيل أول لقاء جمعه مع تامر حسني أثناء الدراسة، وذلك عبر حسابه على Instagram، وكتب:
"هحكي قصة محدش يعرفها خالص ، حتى تامر مكانش مجمع أن الشخص ده أنا، لحد ما فكرته ومات مالضحك.. كنا في مدرسه واحده أنا وتامر، وأنا كنت في سنه خامسه ابتدائي وتامر كان التلميذ اللي مسؤل عن عروض حفلات التخرج، وكان هيغني ويعمل عرض استعراضي كبير، و جابوله ٤ أصوات عشان يختار منهم حد يغني معاه، بس كنا بنغني انجليزي، واخترني أنا عشان أشارك في العرض، وكنت فرحان اوي".
وتابع "الفكرة من الموقف أن تامر نفس الشخص و نفس القلب اللي قابلته من أيام المدرسه لحد دلوقتي، وعايز أقوله أني أنا برضه فرحان نفس الفرحة ومتشرف باختيارك ليا لمشاركتك الأغنيه العسل دي، وإحنا كبار ومحققين أحلامنا، بالمناسبه أنت بجد مخرج جامد يا تيمو .. يارب الأغنيه تعجبكم .. (اختراع)".
ومن المقرر أن يتم عرض الدوتيو في شكل فيديو كليب، والذي يجمع تامر حسني و محمود العسيلي غدا الجمعة، والكليب من إخراج الفنان تامرحسني، وهو من كلمات الشاعر أحمد راؤول ومن ألحان الفنان أحمد زعيم، توزيع ومكساج الموزع وسام عبد المنعم، وتم تنفيذ ماستر الأغنية مع الموزع جلال الحمداوي.
أعلنت شركة روتانا للصوتيات والمرئيات عن مشروع فني جديد سيجمع بين كل من الفنان تامر حسني والفنان محمود العسيلي.
وكشف حساب الشركة على Instagram صور تجمع بين تامر حسني ومحمود العسيلي، وأنهما سيقدمان معا دويتو غنائي سيحمل اسم "اختراع".
اقرا أيضا