وجه الفنان إياد نصار نصيحة للجمهور حول حرية الإنسان في كل شيء، ما دام لا يضر غيره.
اقرأ أيضا: لا يتم معاملته كجناية... إياد نصار يقترح حلا لأزمة التحرش الجنسي
كتب إياد عبر حسابه على Facebook: "(بعتذر على المثال العلمي اللي هقوله) بس تخيل لو أنت قعدت يوم أو خليني أبالغ وأقول تلات أيام ماغسلتش سنانك... أي حد هتتكلم معاه هيعرف إن ريحة بوقك وحشة.. بس تخيل إن مناخيرك اللي هي أقرب من أي حد لبوقك مش هتقولك ده".
تابع: "مناخيرك اللي حاشره نفسها في عيوب غيرك مش هتقولك على عيوبك، عشان دماغنا مكسل ينتقد نفسه والأسهل ينتقد غيره، الأسهل تحاكم وتحكم وتتحكم وتنتقد غيرك.. وهتفضل مناخيرك مش شامة عيوبك، لأن نقد الذات محتاج تصالح مع الذات، محتاج هدوء، محتاج تشيل مناخيرك من حياة غيرك وتبص لنفسك".
أضاف نصار: "محتاج تصلح عيوبك، ومالكش دعوة بعيوب غيرك، ماتشتغلش مكان مناخير حد، لو قدرت تعمل كده هتفهم انت ليه موجود وايه دورك وهدفك، وهتبقى إنسان أفضل.. وريحة بوقك حلوة وهتنجح".
يُذكر أن إياد نصار شارك في موسم رمضان 2020 بمسلسل "ليالينا 80"، من بطولة غادة عادل، وخالد الصاوي، وصابرين، وميدو عادل، ومحمد علي رزق، وعماد رشاد، ومن تأليف أحمد عبدالفتاح، وإخراج أحمد صالح.
اقرأ أيضا:
إخلاء سبيل المتحرشين بهنا الزاهد
بعد مرور 17 عاما..خطأ لم يلحظه الكثيرون في فيلم "عسكر في المعسكر"