لم يتمالك الفنان إدوارد دموعه وبكى على الهواء خلال تقديمه لبرنامج "القاهرة اليوم".

وسط البحر... هشام سليم وابنه نور في المصيف

عرض إدوارد فيديو للفنان الكبير يوسف شعبان، وفيه تحدث أنه لا يعرض عليه أي أعمال وأنه يريد أن يعمل سواء في أداور جد أو عم أو أي أدوار.

عقب إدوارد على الفيديو قائلا: "قطع قلبي وحاجة بتوريي أن مفيش حاجة باقية في الدنيا، تخيلت نفسي مكانه، الواحد بيكون حاسس أنه في عز مقدرته وبيعمل حاجات كتيرة للفن وفجأة ممكن يبقى ده حاله، كلمتين يقطعوا القلب، أنا ممكن أعمل دور عم أو جد بس عاوز اشتغل".

تابع واصفا أن من يعمل في مجال الفن لا يستطيع تركه مثل السمكة التي لا تستطيع ترك الماء وحكى: " لما كنت بقعد فترة مبشتغلش كنت أروح أعمل مسرح، علشان أحسس نفسي أن أنا عايش، كتير أوي فنانين هتلاقيهم مش مطلوبين أوي هتلاقيهم بيشتغلوا في المسرح، لأنه الفنان لا يستطيع تخيل حياته من غير فن أو أن الناس تقوله انبسطنا من الدور، ودا يوسف شعبان، يعني دا تاريخ".

شروط أسرة أحمد زكي للموافقة على مسلسل "الإمبراطور"

أضاف: "مش عارف أقول إيه نداء لكل المخرجين والمنتجين ونقابة المهن التمثيلية، أكيد دكتور أشرف زكي بيحاول على قد ما يقدر أنه يشغل اللي يقدر عليه، أنا عن نفسي طلب مني أني أساعد حد بقالة كتير مشتغلش وفعلا حصل كده".

وحكى إدوارد موقف جمعه بالفنان الراحل حسن مصطفى قائلا: "في موقف مش بقدر أنساه في حياتي من كام سنة كنت بعمل فيلم اسمه "بنات العم" قبل الفيلم ده كنت بعمل فيلم مع مصطفى قمر كان اسمه "مفيش فايدة" وكان ضيف شرف الفيلم ده الله يرحمه الممثل الكبير حسن مصطفى، كنت قاعد معاه وكان بيقولي يا إدوارد لو جالك شغل ليا رشحني أنا مع سينما الشباب ومستعد اشتغل، بمجرد ما سابني دموعي نزلت مش مصدق أن الواحد يشوف حد قيمة كبيرة في حياته ويكون ده رد فعله، وفعلا قدرت أخليه يشاركن في "بنات العم".