حذر الفنان تامر فرج الفتيات اللاتي ترغبن في بدء حياتهن الفنية، تحذيرًا واضحًا من إرسال صور كاستنج بزاوية غريبة وتعبيرات إغراء.
نشر فرج عبر حسابه على facebook قائلا: "لما يكون فيه كاستنج وطالبين ممثلين ابعتي صور ليكى عادية بمكياج خفيف أو بدون .. من غير posingخليكى بمظهرك وطريقتك العادية وتعبيراتك neutral.. بلاش الصور اللي تقولى فيها أنا جامدة وموزه وتعملى بوزات غريبة وتعبيرات إغراء... ماتحاوليش تجبري المخرج أو المنتج إنه يصنفك وما يشوفش فيكى غير النوع ده من الأداء وبعد كده تزعلي إنه مديكي دور بائعة هوا وتستغربي إنك بتاخدي أدوار الست اللعوب".
تابع: "دى نصيحه لوجه الله من واقع خبرتى وشغلي مع مخرجين محترمين زى الاستاذ تامر محسن مثلا أو حتى زي الأستاذ وائل فرج اخويا دول بيتضايقوا من النوع ده من الصور وبيحسوا إنك بتفرضي عليه الشكل اللي يشوفك فيه في حين إن هو بيبقى عايز يشوفك طبيعيه وهو اللى يشوف ممكن يحطك في أنهي دور وأنهي أداء".
اختتم تامر فرج: "صدقيني يابنتي أو يا أختي فيه منتجين محترمين كتير زى الأستاذ أحمد نور وزي الاستاذ عادل المغربي مثلا وفيه مخرجين محترمين كتير زى اللى ذكرتهم وغيرهم بيبقوا عايزين ممثلين ووجوه معبرة مش مهتمين خالص "بخلفيتك" إيه".
يشار إلى أن أخر أعمال تامر فرج الفنية هو مسلسل "الآنسة فرح".
مسلسل "الآنسة فرح" بطولة رانيا يوسف، أسماء أبو اليزيد، أحمد مجدي، محمد كيلاني، عارفة عبد الرسول وهبة عبد العزيز وتامر فرج، سيناريو وحوار محمود عزت وعمرو مدحت، ومن إخراج أحمد الجندي ووائل فرج.
اقرأ أيضا:
فيديو- هيدي كرم تحكي تجربتها مع طليقها... "لسنا أصدقاء"
بعد 25 عاما... حقيقة زواج ابن الوزير من الراقصة في "لن أعيش في جلباب أبي"