أشاد الفنان محمد فراج بمسلسل "الاختيار" الذي يقوم ببطولته الفنان أمير كرارة، ويجسد من خلاله شخصية البطل العقيد أركان حرب أحمد المنسي.
اقرأ أيضا: أمير كرارة: حلمت بالمنسي قالي "أنا فرحي فوق انهارده يا صاحبي"
نشر فراج صورا لأبطال المسلسل وللشهداء الحقيقيين عبر حسابه على Instagram، وعلّق كاتبا: "حلقة إمبارح الـ ٢٨ من مسلسل الاختيار كانت حلقة عظيمة فيها كمية مشاعر هزت كل اللى اتفرجوا عليها و أنى من الممثلين اللى كان ليهم الشرف وشاركت فى عمل بيحكى عن بطولات جيشنا المصرى وقواتنا المسلحة قبل كده فا عارف قد إيه صعب ومهلك إنك تطلع عمل درامى من النوع ده بالشكل المحترم والمشرف ده وبالصورة المبهرة دى".
تابع: "بشكر من القلب كل اللى عمل على إن المسلسل ده يطلع للنور من أول شركة الإنتاج (سينيرچى) / المخرج بيتر ميمى / المؤلف باهر دويدار / مدير التصوير حسين عسر وكل الكرو.. أمير كرارة اللى عمل دور متهيألى إنه هيعيش فى قلوب الناس لفترة طويلة قوى وكل الممثلين اللى ظهروا فى الملحمة دى.. براڤو براڤو براڤو".
اختتم فراج حديثه كاتبا: "وتحية كبيرة قوي لأبطال مصر الحقيقين شهداء ملحمة البرث وغيرهم كتير من الشهداء اللى ضحوا بحياتهم ولسه بيضحوا فى سبيل إن الوطن ده يفضل آمن ونعيش فيه واحنا مطمنين".
مسلسل "الاختيار" من تأليف باهر دويدار، إخراج بيتر ميمي، إنتاج سينرجي-تامر مرسي ويشارك في بطولته عدد من الفنانين ومنهم؛ أمير كرارة، أحمد العوضي، أحمد فؤاد سليم، دينا فؤاد، سارة عادل، ضياء عبد الخالق، عابد عناني، إسلام جمال، حازم سمير بالإضافة إلى عدد كبير من النجوم الذين ظهروا كضيوف شرف خلال حلقات المسلسل.
اقرأ أيضا:
القصة الحقيقية- (20) الأسطورة أحمد المنسي... بطل الصاعقة الذي خلّده "الاختيار"
بعد نجاح "الاختيار"... عمرو محمود ياسين يرد على أحمد حسن