قدمت الفنانة فريدة سيف النصر لمتابعيها عبر حسابها على Facebook بوصفات طبيعية من الطب النبوي لعلاج فيروس كورونا.
كتبت سيف النصر قائلة: "كله بيفتي قولت افتي انا كمان بس فتيت بعد ماقريت كتير والله خشوا عالطب النبوي ص ع وحبيبنا ربنا مش بيخليه ياكل اي حاجه كده وخلاص، طيب ولا اجدع ميكروب فيرس جرثومه أي نوع يعيش في الخل..وكان سبدنا النبي بيحبه خير إدام له صلى الله عليه وسلم".
تابعت: "والليمون، سماه بونابرت بنزهير يعني قاتل الميكروبات لما أنقذ جيشه من الوباء وبعت زرعه بره طلع مجعلص كده جميل بس مش زي بتاع ارضنا ولاقوته، البصل والثوم مطهرين للأمعاء والدم وفيهم زيوت طياره تخنق أي كائن حي حتى كلوهم صاحيين وافتحوا بوءكم في وش اللي مزهقكم هايغمن عليه..وماتنسوش ربنا بنفسه قال اهبطوا مصر كلوا من فومها وعدسها وبصلها وثومها البلدي هه وغيره من خيرات الأرض دي غيرنا مابياكلهاش بطريقتنا".
أضافت فريدة سيف النصر: "الفلفل الأخضر قرنقوطي الحرراق يبهدلك ويبهدل أي حاجة تعدي من أول شفايفك لحد لامؤاخذة ما يخرج الأعداء المهاجمين جثث أقوللكم، قوموا اتوكلوا علي الله اضرب لك طبق فول بالثوم صاحي موصي عليه ربنا..وطبق سلاطة بلدي خل وليمون وبصل وفلفل والخضرة اللي تعجبك".
استطردت: "توكل علي الله أقعد لوحدك علشان صحابك مايطفشوش أو خليهم ياكلوا زيك وأنتي أكلي جوزك زيك بدل ماتتطلقي يا ضنايا وبكره تعرفوا قيمة الفتي بتاعي لما يكتشفوا إختراعي..إيه الكذب ده يافرفر دي أكلة من التراث من قبل جدودك..اللهم إني بلغت".
كانت الفنانة فريدة سيف النصر فاجأت جمهورها مؤخرًا بصورتها وهي تعاني من ورم في وجهها عبر حسابها الشخصي على موقع Facebook.
وطلبت فريدة من جمهورها الدعاء لها، وكشفت أنها تعرضت للورم في وجهها بسبب اصابتها بخراج في أسنانها بشكل مفاجيء وعلى الرغم من المسكنات التي تتناولها فإنها تعاني من الألم الشديد.
اقرأ أيضا
شاهد- رقص هيفاء وهبي في عيد ميلادها
هكذا علق شقيق ياسمين عبد العزيز على أنباء انفصال أنغام عن أحمد إبراهيم