انتقد الملحن مدين، التصريحات التي أدلى بها الموسيقار حلمي بكر في برنامج "الحكاية" مع الإعلامي عمرو أديب على قناة "mbc مصر"، بخصوص لحن أغنية "حاجة مستخبية" للفنان محمد حماقي.

نشر مدين عبر حسابه على Instagram صورة ضمت كل من الفنان المصري محمد حماقي والمطربة التركية Ebru Yaşar، بالإضافة لأصحاب مهرجان "بنت الجيران"، وعلق عليها: "فيه موضوع كل الناس بتتكلم عنه إلا أنا، رغم إن أنا صاحب الموضوع، وهو لحن (حاجة مستخبية) واللحن التركي والإسرائيلي كمان ومهرجان (بنت الجيران)، بس أنا ساكت عشان ما بحبش أعمل شو على الفاضي".

وتابع: "بس لما الاقي الأستاذ حلمي بكر طالع إمبارح مع الأستاذ عمرو أديب في برنامج (الحكاية) و قناة مهمة زي mbc بيتكلم على لحن أغنية (حاجة مستخبية)، وإن ده لحن ماحققش نجاح مع المطرب اللي أخدها - يقصد حماقي - وإن اللحن ده مسروق من لحن تركي!... عايز أقوله يا أستاذ حلمي اللي حضرتك ماتعرفوش أن الحمد لله لحن (حاجة مستخبية) كان مع مطرب كبير مش نكرة وهو الفنان الكبير (محمد حماقي)، وحقق نجاح كبير جدا في مصر والوطن العربي، لدرجة أن النجاح ده وصل لتركيا، واتواصلوا معايا بكل احترام وأخدوا مني اللحن بشكل رسمي واتترجم للتركي مع نجمة كبيرة بحجم Ebru Yaşar و ده لينك الاغنية.

وتابع: "وحضرتك ممكن تتأكد بنفسك أن اسم الملحن (محمد أحمد فؤاد )، زي اسمي في التنازل وبتواصل دلوقتي معاهم عشان اسم الشهرة، وعايز أقول لحضرتك حاجة قبل، ما تطلع في برنامج كبير زي ده لازم تتاكد من معلوماتك كويس، عشان أنت كده مافرقتش عنهم حاجة، هم سرقوا مجهودي وحضرتك بتضيعه، وده شيء يؤسفني أنه يخرج من أستاذ كبير زي حضرتك".

وأضاف: "ومش بس كده للأسف، في حد اتهمني كمان أني سارقه من إسرائيل، دخلت لقيت أنهم سارقين مني فعلا جزء من اللحن مش اللحن كله، والتاريخ كان من بعد نجاح الأغنية بثلاث سنوات وده للتوضيح مش أكتر".

أغنية "حاجة مستخبية" طرحها الفنان محمد حماقي في عام 2012 في ألبومه "من قلبي بغني"، وبعدها صورها بطريقة الفيديو كليب، وتم نشر الفيديو عام 2014.

والأغنية من كلمات الشاعر الغنائي محمد عاطف ومن ألحان مدين وتوزيع الموزع الموسيقي أحمد إبراهيم، وتم تصويرها بطريقة الفيديو كليب مع المخرج كوستاس إيفانوف.

اقرا أيضا

فيديو- واقعين في مشكلة كبيرة... حسن شاكوش وعمر كمال يستنجدان بالجمهور

نقابة الموسيقيين تعيد النظر في عضوية حسن شاكوش