نشر المطرب رامي جمال تغريدة بها مجموعة من الإرشادات عن مرض البهاق، مؤكدا فيه أنه ليس مرضا معديا، وهو عبارة عن نقص فى الخلايا الصبغية.
وتعليقا على كلامه، كتبت إحدى المتابعات إنها مصابة بهذا المرض، وتتمنى أن تعالج منه، خاصة وأن الناس تتعامل معها بحذر ويعتقدون أنه مرض معد، وأنه فى يوم خطوبتها تعرضت لموقف محرج بسببه، ليرد عليها رامى جمال قائلا: الفترة الجاية مش هيحصل كده تانى، وهنعرفهم عنه كل حاجة، وأنا هغنى فى فرحك هدية".
وكان رامي جمال كتب عبر حسابه الخاص على Facebook، إيضاحًا حول حالته الصحية، قائلًا: "الحمد لله الذي أحبني فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية شغلانتي وصعوبتها والقلق الدائم من المستقبل".
تابع: "وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقول لي شوف بيزنس تاني أعمله علشان الناس مش هتقبلك كده".
أضاف رامي جمال: "فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي بنا ابتلاهم بيه من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قولت أشرككم في حياة فنان".
اقرأ أيضاً
أنا مش هسكت... رامي جمال يطلق حملة لدعم مرضى البهاق
أول تعليق لرامي جمال بعد إعلان إصابته بالبهاق: خلصتوني من السجن