كشف الفنان رامي جمال لأول مرة عن حالته الصحية، والتي يعاني منها منذ حوالي عام.
نشر رامي جمال عبر حسابه الخاص على Facebook، إيضاحًا حول حالته الصحية قائلًا: "الحمد لله الذي أحبني فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية شغلانتي وصعوبتها والقلق الدائم من المستقبل".
تابع: "وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقول لي شوف بيزنس تاني أعمله علشان الناس مش هتقبلك كده".
أضاف رامي جمال: "فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قولت أشرككم في حياة فنان"
يشار إلى أن رامي جمال أعلن مؤخرا عن تعاونه مع الفنانة اللبنانية إليسا في ألبومها الغنائي الجديد، الذي تستعد لطرحه قريبا، وكتب رامي جمال عبر حسابه على Twitter تغريدة جاء فيها: "أنا عاوز احرق مفاجأه لجمهورك على الماشي، أنا عامل لـ إليسا غنوه كلامي ولحني".
وكانت شركة "نجوم ريكوردز" أعلنت في سبتمبر الماضي عن تجديد تعاقدها مع الفنان رامي جمال لمدة 5 سنوات، لتكون انطلاقة جديدة في التعاون بينهما.
اقرأ أيضًا:
رامي جمال ينتهي من تنفيذ جميع أغنيات ألبومه الجديد
سبب اعتذار رامي جمال عن حفله في ليبيا