كشف محمد الصعيدى، ضابط الشرطة السابق، والمعروف بصداقاته للعديد من النجوم، موقفًا إنسانيا فعله الفنان الراحل هيثم أحمد زكي، خلال تواجده بمجمع التحرير.

أوضح الصعيدي عبر حسابه على Facebook، أنه في أحد أيام عمله في مصلحة الجوازات، جاء هيثم لكي يجدد جواز السفر الخاص به، كاتبا: "كان جاي مرهق جدًا (ومطبق) مش نايم، وطبيعي إن مجمع التحرير كله يتصور معاه لكن كانت هناك سيدة خمسينية عاملة نظافة طيبة جدًا دخلت سلمت عليه بفرحة وبوادر دموع في نفس الوقت، وهيثم لاحظ ده، واستأذنته أن ينتظر بنتها جايه من المدرسة أو الكلية مش متذكر عشان تتصور معاه".

تابع: "هيثم انتظرها قرابة النصف ساعة وسألني على مكنة فيزا ونزل سحب فلوس وطلب مني ظرف وأعطى للست واتصور مع البنت ومشي ولما سألت الست، قالت لي شوفت فيه أحمد زكي اللي كنت بحبه وكان صعبان عليا مرضه وموته.. هيثم عاش جدع وخيّر ونقي .. ربنا يسكنك فسيح جناته إنت ووالدك".