شارك الفنان سعد الصغير متابعيه عبر حسابه على ‎ Instagram، مقطع فيديو أثناء إحيائه لإحدى حفلات ‏الزفاف‎.‎

كتب الصغير معلقًا على الفيديو: "دي عندي بالدنيا بجد، لما حد زي أمي بالظبط الله يرحمها، ويكون بيحبني ‏كده وأشوف الحب في عنيه كده وأقدر أخليه مبسوط كده، دي بالدنيا عندي بجد، ده الكنز الحقيقي والحب اللي ‏من القلبي".‏

تابع سعد الصغير: "ودايمًا أنا بقولها أنا وفرقتي بسم الله توكلنا على الله الفرح فرحنا وبقولهم لازم نفرح كأن حد ‏من عندنا اللي بيتجوز بجد، ونفرح من قلبنا، وبحب بجد أفرح الناس اللي دايمًا بشوف فيها أمي، ويا رب طول ‏في عمر كل أم".‏

يشار إلى أن سعد الصغير، كان قد طرح مؤخرًا أغنية مصورة بعنوان "أعمل كده كده"، الأغنية من كلمات ‏مصطفى حسن، وألحان محمد عبد المنعم، وتوزيع ميدو مزيكا وشيبسي‎.‎

كان "الصغير" قد حكم عليه منذ فترة، من قِبل محكمة جنح مستأنف التهرب الضريبي، بتأيد الحبس لمدة سنة ‏وتغريمه ما يعادل الضريبة المستحقة عليه، مع إيقاف التنفيذ وإلزامه بالمصاريف، في اتهامه بالتهرب من سداد ‏مليون و320,197 جنيه للضرائب‎.‎

وأسندت النيابة له تهمة التهرب وإخفاء إدارة عمله في الفترة من 2007 إلى 2015، مع شركات " القاهرة ‏والنَّاس، وmbc، وسيجما للإعلام، والنهار، والسبكي للإنتاج الفني"، بالإضافة لعدد من الحفلات الغنائية بعدد ‏من الفنادق الكبرى‎.‎

‎‎

اقرأ أيضًا:

صور- سعد الصغير يغني بحفل زفاف صيني: أهم حاجة أنهم فهموني

يشوي بطاطا.. سعد الصغير لجمهوره: اتفضلوا معانا