نشرت الفنانة زينة صورة بفستان أسود ذو فتحة واسعة، عبر حسابها الشخصي على "Instagram"، أثارت الجدل بين متابعيها.
دخلت زينة في حوار مع إحدى المتابعات، التي طالبتها بعدم ارتداء هذه النوعية من الملابس، قائلة: "الفستان عريان أوي، مش محتاجة تلبسي كده ولا تعملي كده.. في ناس بتحبك وانتي بنت عادية إنما السكة بتاعة اللبس المفتوح مش بتجيب حب ناس، يمكن تجيب حاجات تانية، إنما أكيد مش حب حقيقي ولا احترام".
من جانبها، أوضحت زينة سبب ارتدائها للفستان قائلة: "أنا كنت راجعة من فرح صاحبتي ومش محتاجه أعمل أي حاجة علشان الناس تحبني، الاحترام مالوش علاقة بلبس أيه وأنا بحترم الجميع والجميع بيحترمني".
استطردت: "أنا مش بلبس كده في حياتي وأطلع للناس بلبس تاني، دي أنا، وعمري مالبست حاجه مستفزة لأني مش كده أصلا ومش علشان الناس علي فكرة.. ركزي في الفستان هاتلاقيه عادي أو بالنسبة لي عادي، ورديت عليكي علشان احترمت تعليقك وحبيت أفهمك وجهة نظري".
جدير بالذكر أن زينة كان آخر مسلسلاتها "ممنوع الاقتراب أو التصوير" وعرض في رمضان 2018 وشارك في بطولته نسرين أمين وفتحي عبد الوهاب ومي القاضي وأحمد فؤاد سليم ومحمد شاهين وأحمد العوضي، من إنتاج أمير شوقي، وتأليف محمد الصفتي، ومن إخراج زياد وشاحي.
اقرأ أيضا:
بالفيديو- زينة موجه نصيحتها للفتيات: لا تتغيرن من أجل أي شخص**