سالي عبد السلام تستقيل من الراديو "90 90"

مي فهمي | فى سينما وتلفزيون

سالي عبد السلام

الجمعة , 28 سبتمبر 2018 - 03:09 | اخر تحديث: الجمعة , 28 سبتمبر 2018 - 03:09

كشفت المذيعة سالي عبد السلام عن تركها لراديو 90 90 وتقديم استقالتها من عملها به.

وأعلنت سالي عبد السلام خبر استقالتها عبر حسابها على تطبيق وموقع Instagram مؤكدة أنها في انتظار مفاجأة قريبة.

انا جيت انا جيت انا جيت يااا عبسلام يا مساء الفل والورد والياسمين على مستمعين الراديو ٩٠٩٠ صليت استخارة كتير..انا استقالت من الراديو ٩٠٩٠ عن اقتناع والخيرة فينا اختاره الله...كان نفسى اودعكم على الهوا بس محصلش نصيب الحمدلله ٥ سنين حلوين فى الراديو ٩٠٩٠ مكان اضاف لينا واضافنا ليه هرجع واقول الحمدلله على نعمة الاختيار وان الواحد ميكونش مجبر على حاجة مش مرتاح فيها ولا عليه التزامات او اقساط او شايل مسؤولية حد ..الحمدلله ان الواحد راضى واللى مجبر على حاجة ومش مبسوط ربنا يسهله حاله ويعفو عنه وما يجبرنا على حاجة هتوحشونى جدا..بأمنكم ادعولى فى الخطوة الجاية وانتوا الرزق الوحيد اللى مصبر الواحد على حاجات كتير اخر ٣ حلقات ليا وسبحان الله دول العلامة اللى سيباها اى نجاح بدايته فشل ..محدش ياخد شغل حد او يقهره حتى لو مكانش صاحبه،الجدعنة مبتتجزأش بالقرب..لما تحس انك قليل الادب تبقى مؤدب عشان قليل الادب مبيحسش انه قليل الادب عمرى ما سيبت مكان بمشكلة او غلطانة فى حد او كارهينى ويكرهوا اننا نرجع نشتغل تانى...#رزق كل زمايلى فى ٩٠٩٠ هتوحشونى.. المذيعين هتوحشونى والمستمعين هتوحشونى ...اللهم حبب فينا خلقك ❤️ الحياة مراحل شكراً الراديو ٩٠٩٠ وان شاء الله ارجع تانى فى يوم من الايام وننجح تانى .... صفحة واتقفلت ..يا ريت محدش يكلمنى فى اللى فات ونركز فى اللى جاى وبس ! خلصت.... هعمل الحركة اللى الناس كلها بتعملها وهى معندهاش اى حاجة جيالها اساساً😃😂 استنونى عشان الجاى مفاجأة..مفاجأة 😂😈 مش هقدر اقول اى تفاصيل..يا شيخة اتلهى 😌😂😂😂✋ #اللهم_وفقنا_لما_تحب_وترضى اللهم_وفقنا_لما_تحب_وترضى #الخيرة_فيما_إختاره_الله

A post shared by Sally Abdalsalam (@sallyabdalsalam) on Sep 27, 2018 at 3:05pm PDT