مها أحمد : أنا هانم واللي بيشتغل مع شيوخ الخليج مش خدام

نهال ناصر | فى حياة المشاهير

مها أحمد

الأحد , 8 سبتمبر 2024 - 16:09 | اخر تحديث: الأحد , 8 سبتمبر 2024 - 17:09

ردت الفنانة مها أحمد على منتقديها بعد ظهورها في فيديو بث مباشر تحدث فيها عن رغبتها في العمل عند أحد الشيوخ الخليجين.

ونشرت مها أحمد فيديو عبر حسابها على Instagram قالت فيه: "طبعا أنا صحيت كالعادة على أن الدنيا مقلوبة لأن الجمهور اللي بيحبني اللي مش متنمر زعلان أوي إن أنا بقول أنا عايزة اشتغل عند شيخة، نمرة واحد أنا مليش ذنب بميولك مليش ذنب في أن إنت عندك خلفية بإن اللي بيشتغل مع شيوخ بيروح يشتغل عندهم خدام زي ما بتقولوا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مها أحمد

وتابعت مها أحمد: "اللي بيقول خدام يبقى هو فعلا خدام، لكن أنا هانم عارفين يعني إيه هانم، الهانم كانت بتتكلم وبتطلب إنها تشتغل مع شيخة من الشيوخ دا بناء على تاريخ الفن من زمان لأن إنتي أو إنت جاهل بيه، لأن تلت تربع مسلسلاتنها أيام استديوهات عجمان وعرين ودبي أيام ما كنا بنسافر نمثل هناك ولما كان ليهم استديوهات هنا في الزمالك والمهندسين كان في منتجين خلايجة بيعشقوا الفنانين منتجين ومنتجات شيوخ خلايجة كانوا بيعشقونا وكانوا بيطلبوا فنانين وفنانات بالاسم وبيعملولهم مسلسلات".

نرشح لك: تامر حسني يوجه رسالة لناكري الجميل في رده على محمد سامي

مها أحمد

وأكملت مها أحمد: "فأنا مش ذنبي إن إنتي جاهلة ومش عارفة أو إنت جاهل، وطبيعي لما ممثلة أو واحدة كانت ممثلة طلعت على السوشيال ميديا وبتشتغل على السوشيال ميديا تقول جملتين زي دول بتطلب حد عشان ينتج لها، أنا مستغربة جدا هو سيادة المستشار تركي آل الشيخ هو مش شيخ؟ هو مش بينتج لتلت تربع نجوم مصر هما مش كل فنانينا سابوا التمثيل في مصر وراحوا هناك بيمثلوا في السعودية، هو دا كويس ليهم كنجوم ووحش لمها أحمد عشان تطلبه".

مها أحمد

وأضافت مها أحمد: "أنتوا بتسألوني فين الدكتور مجدي يصرف عليكي لا يا حبيبتي دكتور مجدي بيصرف عليا من زمان أوي الدكتور مجدي مكفي وموفي الدكتور مجدي بيجيب الفلوس كده ويحطها قدام مراته ويقولها اتصرفي، أعملي اللي إنت عايزاه وهاتي اللي نفسك فيه لأن الدكتور مجدي واخد مراته ممثلة بتشتغل فهو عارف أوي إن لازم اشتغل مسألتهوش ليه أيام ما هو كان بيمثل وأنا بمثل بتخلي مراتك ليه تشتغل ما تقعدها ستتها في البيت ولا حلو السؤال دلوقتي عشان التنمر زاد، ما تسألوا الدكتور مراته بتشتغل دكتورة ليه ما تسألوا الصحفي مراته بتشتغل صحفية ليه وبتنزل وبتبقى مراسلة وتروح وبتيجي وبتشتغل على تيك توك".

View this post on Instagram

A post shared by Maha Ahmed _ مها احمد (@mahaahmed_official)

وأكملت مها أحمد: "أرجع أقولكم كان ممكن أقصف جبهتكم واقولكم وإنتوا مالكم، اللي أنا مستغرباله أنا كاتبالكم ورقة تخيلوا أنتوا كام فنان على تيك توك، مها أحمد، جمال حجازي، عايدة غنيم، سهام جلال، وائل علي، وائل علاء، وفاء عامر، أيتن عامر، نرمين ماهر، بدرية طلبة، علا رامي، أحمد الدمرداش، عمرو عبد العزيز، وفاء مكي، النجم محمد هنيدي علمهم برنامج كان بفلوس عشان تيك توك يتشهر، جومانا مراد، أحمد فهمي، فادي خفاجة، هادي خفاجة، منير مكرم، رامز أمير وغيرهم، كل دول إنتوا سبتوهم ومسكتوا في مها أحمد كل دول ملهمش أزواج مسألتهمش ليه مبيصرفش عليكي اشمعنى مها أحمد ومجدي كامل عارفين ليه عشان مجدي كامل محترم مش عايز يرد لأنه ليه وجهة نظر أن كلها حسابات وهمية منعرفش مين وراها عارف أنكم عالم افتراضي مش عارفين مين بيهاجمنا حتى رأيه إني مردش".

مها أحمد

واختتم مها أحمد كلامها: "طبعا أنا إن شاء الله هتعالج زي ما كل واحدة مريضة وواحد مريض بينصحني أتعالج بس سيبوني اشتغل عشان اتعالج وأدفع فلوس".

اقرأ أيضا:

#شرطة_الموضة: نسرين طافش بفستان ببطن مكشوف من Dolce & Gabbana مع حقيبة وردية من Hermes سعرها يتجاوز 100 ألف جنيه

محمد التاجي يحتفل بخطوبة ابنه على حفيدة الفنان حمدي أحمد

رقص هيدي كرم على أغنية "أنا بابا" احتفالا بفوزها بجائزة في حفل "دير جيست" (فيديو)

بعد حذف ألبوم "بابا فين" … هيفاء وهبي: الألبوم ملكي وروتانا ليس لها الحق في حذفه

سمر طارق لـ(في الفن): الراب والمهرجانات ليهم وقتهم وبذاكر القديم وبحب أم كلثوم ومحمد منير ,فيروز

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5