دينا تكشف سبب رشاقتها وسر شبابها: عمري ما نمت بمكياج ومباكلش غير مرة في اليوم

نهال ناصر | فى حياة المشاهير

دينا

الجمعة , 6 سبتمبر 2024 - 16:09 | اخر تحديث: الجمعة , 6 سبتمبر 2024 - 16:09

وجهت الفنانة دينا بعض النصائح للسيدات كشفت من خلالها كيف تحافظ على رشاقتها وألا يظهر عليها السن.

وظهرت دينا في فيديو عبر حسابها على Instagram ضمن برنامج جديد لها بعنوان "اسمع مع دينا" وتحدثت عن أن البعض يقول عنها إنها كبرت في العمر لكن في نفس الوقت لا يظهر عليها السن، وفسرت السبب.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

دينا

وقالت دينا: "أحيانا بيقولوا حاجات تضحك بيقولوا إنتي كبرتي يا دينا ويقولوا إنتي مبيبانش عليكي الكبر ليه، مببقاش فاهمة ببقى ضايعة بين الاتنين، هو أنا كبرت ولا مبيبانش عليا الكبر أنا مبتأثرش أوي".

نرشح لك: محمد حماقي ونجلاء بدر وناهد السباعي وعماد متعب والنجوم في حفل زفاف ابن شقيق إلهام شاهين

دينا

وتابعت دينا: "إنما أنا مش معترضه هو أنا كبرت بجد ومبيبانش عليا الكبر، ليه إيه السبب أنا شخص من وأنا عندي 15 سنة لحد النهاردة عمري ما نمت وفي وشي مكياج وعمري ما حطيش كريم بالليل والنهار، عمري ما ملعبتش رياضة يا برقص يا بلعب رياضة، مباكلش غير مرة في اليوم طول عمري الصيام المتقطع اللي طالعين فيه جديد دا بعمله من وأنا عندي 15 سنة".

دينا

وأكملت دينا: "أنا شخص مبيحبش الأكل بحب طبعا نعمة ربنا بحب كل أصناف الأكل إنما مفيش حاجة عندي أحسن من نفسي بحب نفسي أكتر من أي حد في الدنيا فبالتالي بقدر أحافظ على نفسي إني أقدر أوصل لسن معين وأنا محافظة على نفسي مبزعلش إنك بتقولوا كبرتي لأن دي حقيقة مش مضايقاني في حاجة خالص ويارب توصلوا لسني وتبقوا زيي".

View this post on Instagram

A post shared by Dina دينا (@dinadancerofficial)

يذكر أن آخر أعمال دينا مشاركتها ضيف شرف في مسلسل "سر إلهي" عرض في رمضان 2024.

مسلسل "سر إلهي"، بطولة روجينا، تأليف أمين جمال، وإخراج رؤوف عبد العزيز، وإنتاج كودكس، ويشارك ببطولة المسلسل الفنان محمد ثروت، الفنان أحمد مجدي، الفنانة مي سليم، الفنانة رنا رئيس، الفنانة نهى عابدين.