بالمستندات - شقيق شيرين عبد الوهاب يخرج عن صمته: لحد آخر لحظة بحاول أحميكي وأحمي بناتك لكن للصبر حدود

نهال ناصر | فى حياة المشاهير

شيرين عبد الوهاب وشقيقها محمد

الثلاثاء , 25 يونيو 2024 - 16:06 | اخر تحديث: الثلاثاء , 25 يونيو 2024 - 16:06

رد محمد عبد الوهاب شقيق الفنانة شيرين عبد الوهاب على الاتهامات التي وجهت له بأنه المتسبب في أزمتها مع شركة روتانا.

كتب شقيق شيرين عبد الوهاب عبر حسابه على Facebook ردا على شقيقته: "كل واحد عنده قدرة على تحمل الأذى لكن للقدرة دي حدود.
ده قرار النيابة العامة بالحفظ إداريا في كل الاتهامات اللي اتوجهت ليا بتاريخ 19/12/2022 يعني من سنتين.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إيه هي بقي الاتهامات دي؟ كسر الضلع والعشرين راجل اللي دخلت بيهم على أختي! وطبعا موضوع السكينة! واتسألت على التوكيل بتاعي وبتاع أمي من وكيل النيابة المحترم وكله مثبت، س سوال ج جواب. التوكيل اللي بتقول أن أنا أسأت استخدامه!".

شيرين عبد الوهاب وشقيقها محمد

نرشح لك: تعرضت للتحرش 3 مرات ورفضت العمل في هوليوود ولا تمانع تقديم مشاهد القبلات … 20 معلومة عن مرام علي التي تصدرت "التريند" بسبب رقصها مع نانسي عجرم

وتابع شقيق شيرين عبد الوهاب: "وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها أن بنتها اتنازلت وأنا استحمل أي حاجة إلا إنها تتوجع في ولادها. وبناء عليه رضيت بالظلم لوحدي لكن الحقيقة غير كده، انا اتطلبت في النيابة واتسألت رسمي وتم إخلاء سبيلي من النيابة علي ذمة القضية لحد ما اتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه.

تعليق شقيق شيرين عبد الوهاب

وأكمل شقيق شيرين عبد الوهاب: "وده حق ربنا لا ظلم ولا افترى. ونفس الكلام اللي من سنتين بيتعاد تاني معرفش لمصلحة مين مع إني بعيد عنك وعن حياتك من سنين قبل الواقعة وسنتين من بعدها. ده قرار النيابة العامة الموقرة في الافتراءات اللي اتوجهتلي، مش بيان من محامي. وأي حاجه هرد بيها هتكون مستند حكومي عليه ختم النسر".

قرار النيابة بخصوص قضية شقيق شيرين عبد الوهاب

واختتم شقيق شيرين عبد الوهاب رسالته مرفق هنا الفيديو بتاريخ 11/11/2022 اللي قولتي فيه أنك اتنازلتي ولعبتي دور الضحية، ومرفق برضو المستندات الرسمية اللي بتثبت أن القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك".

وكانت شيرين عبد الوهاب تحدثت في تسجيل صوتي أرسلته للإعلامي عمرو أديب لعرضه في برنامج "الحكاية" للحديث عن أزمة التسريبات الصوتية لطليقها الفنان حسام حبيب التي يتحدث فيها عن شقيقها محمد عبد الوهاب.

قالت شيرين عبد الوهاب: "فوجئت باللي حصل على السوشيال ميديا بين محمد عبد الوهاب وحسام حبيب، وحبيت أكد أن كلام حسام مضبوط جدا، وأخويا فعلا باعني، والتصريح اللي نزل دا نزل من محامي محمد شاعر المستولي على السوشيال ميديا بتاعتي، وبالتوكيل أنا كنت عاملة له قديم، مضى له ورقة أو عقد تملكه من حساباتي، وموقعين بتاريخ قديم، كل كلام حسام حبيب مضبوط، وماتصدقوش أي حاجة من كلام محمد عبد الوهاب".

وأضافت: أنا مابحبش اتكلم عن مشاكلي الشخصية دلوقتي، عشان ماشغلش حد، والناس ماتقعدش تقول احنا ماورناش غير شيرين ومشاكل شيرين، لكن لازم تفهموا أن في أغاني حلوة جدا جدا، توما عاملها وعزيز الشافعي ومدين، وفي حاجات بتخلص من التصريحات عشان المشاكل مع الشركة المنتجة، في حد بشخصه قاصد يقعدني في البيت، بنخلص الحاجات دي والأغاني هتنزل وهتعجبكوا جدا، وبإذن الله الأغاني هتعجبكم.