أحمد سعد يكشف سبب طلاقه من علياء بسيوني

نهال ناصر | فى حياة المشاهير

أحمد سعد وعلياء بسيوني

الجمعة , 21 يونيو 2024 - 13:06 | اخر تحديث: الجمعة , 21 يونيو 2024 - 13:06

تحدث الفنان أحمد سعد عن طليقته علياء بسيوني وكيف كان لها تأثير كبير في حياته

وقال أحمد سعد خلال لقائه في برنامج Sold Out من تقديم الإعلامي محمود سعد: "علياء هي الزوجة الرابعة لحد دلوقتي، وأنا كده تمام مش عايز أتجوز تاني، علياء كانت من أعظم القوى في حياتي، عملتلي كل التغيير في حياتي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أحمد سعد: "أنا عندي وجهة نظر أن الست هي المحرك الرئيسي والأساسي للراجل، أي راجل كان عظيم كانت الست دافع ليه وأي راجل كان فاشل كانت الست اللي خلته كده".

نرشح لك: بعد تسريب مقاطع صوتية له عن أسرة شيرين عبد الوهاب ... حسام حبيب: هقدم بلاغ ودي جريمة

أحمد سعد وعلياء بسيوني

وأكمل أحمد سعد:"هي عملت إيه، هي ست لا تكل ولا تمل هي شايفة أن دا الصح هتقولك لازم تعمله، الست عندها قدرة مهولة في الزن، عندها هدف هتعمله يعني هتعمله، هتيجي تقولك أنت مخرجتنيش وتفضل تكررها فخلاص هتخرجها، الست عندها القدرة دي ولو القدرة دي اتحولت لإيجابيات، أنا في الأول لما كنت بسمع منها كنت بقول أنا عارف أنا بعمل إيه وسيبيني أنا هقرر، تيجي تاني يوم وأقولها خلاص، كان عندها صبر مهول واعتقد الصبر ده موجود عند كل الستات لكن استخدامه ساعات بيبقى نكد، عن تجربتي أنا كانت اختياراتي غريبة جدا، بس كان عندي حاجة مهمة لما بلاقي نفسي في حتة وحشة اختار الشخص اللي استند عليه واسلم له دماغي، أنا شايفه هو اللي بيقرر وسايبه، كنت سايبها هي تعمل وتقرر كل حاجة في الشغل وشفت نتيجة كلامها ونجاحنا سوا".

أحمد سعد

وعن أسباب طلاقهما قال أحمد سعد: "اللي حصل بعد كده ابتدى يبقى الشغل كتير وهي حبت الشغل معايا، ابتدى الشغل ياخد من حياتنا الأسرية، هي شخص مجتهد ومحترم جدا، أنا قعدت أجاهد عشان حياتنا الشخصية ولو أنا أناني كنت كملت حياتي لأن أنا الوحيد المستفيد".

أحمد سعد

وانفصل أحمد سعد عن علياء بسيوني في أغسطس الماضي.

اقرأ أيضا:

أسماء جلال ترد على تشبيهها بمايكل جاكسون

على غرار إعلان نجوم الأهلي لـ"ولاد رزق 3" ... محمد أنور يستعين بأشباه لاعبي الكرة للترويج لـ"جوازة توكسيك" - فيديو

روجينا تتعرض لحروق في الوجه - صور

#شرطة_الموضة: أجمل إطلالات أنغام في 2024 ... ألوان وتصميمات مختلفة تناسبها

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5