القصة الكاملة لـ"وقفة الماميز"...ما علاقتها بفيلم "جروب الماميز"؟

محمد سليم | فى سينما وتلفزيون

وقفة الماميز

الاثنين , 30 يناير 2023 - 02:01 | اخر تحديث: الاثنين , 30 يناير 2023 - 02:01

حالة من الحيرة عاشها مستخدمو مواقع التواصل الاجتماعي خلال الساعات الماضية، بعد انتشار دعوات تحت هاشتاج "وقفة المايمز"، وتساءل البعض هل هي وقفة فعلية، وما تفاصيلها وأهدافها.

بحثنا خلف هاشتاج "وقفة المايمز" في تويتر وإنستجرام، وتوصلنا أخيرا إلى حقيقة هذه الوقفة، التي تمت الدعوة لها بالتزامن مع طرح فيلم "جروب الماميز" في دور العرض السينمائي في بداية فبراير المقبل.

نرشح لك - أصالة تعتذر عن التدخين في كواليس "سعودي أيدول": ماكان المفروض أشرب ڤيب قدام الناس

واتضح بعد البحث وجود "جروب" تم إنشاؤه حديثا في موقع التواصل الاجتماعي فيسبوك باسم "وقفة المايمز - 2/2"، قامت بتدشينه أسرة الفيلم، ويضم حتى الآن 13 ألف متابع.

وقفة الماميز

وأوضح الجروب الهدف من إنشائه من خلال رسالة من أسرة الفيلم جاء فيها: "رسالة لكل سوبر ماما من أسرة فيلم "جروب الماميز"، الجروب ده احنا عملناه سوا عشان نجمعكم ونسمع مشاكلكم ونحاول نلاقيلها حلول سوا .. وقفتنا مش وقفة ضد حد، وقفتنا مع بعض عشان نسمع بعض ، نفضفض مع بعض .. نحول كل الطاقة السلبية اللي جوانا لطاقة إيجابية، و ده الهدف والرسالة اللي بنقدمها في فيلم جروب الماميز اللي اتعمل بيكم و ليكم علشان نناقش كل مشاكلكم".

طالع أيضا - وفاء عامر مهاجمة إحدى الفنانات: اللي ميقدرش وقفتي جنبه لا يستحق حتى أتفرج على أعماله

كما شاركت مجموعة من أبطال الفيلم على الجروب بمقاطع فيديو تشرح فكرة الوقفة، ومنهم الفنان محمود حافظ الذي قال في رسالته: "أسعد الله مساءكم، إحنا يا جماعة عندنا وقفة مهمة جدا مفيهاش هزار يوم 2/2، وهتكون جوا الفيلم".

وأضاف: "إحنا بنقدم لكم حاجة كوميدية خفيفة، بنحكي فيها عن مشاكلكم بينكم وبين الأولاد في أي شيء يخص الحياة او التعليم، إن شاء الله يعجبكم وتشرفونا".

ونشرت الفنانة يسرا اللوزي أيضا مقطع فيديو على الجروب قالت فيه: "هاي يا ماميز، أنا برضه أم يا جماعة زيكم، متمرمطة ومتبهدلة وأكيد كلنا حاسين ببعض، ومش محتاجين نقول كلام أكتر من كده".

وتابعت: "من ساعة ما عرفت إن في وقفة يوم 2/2 وأنا حابة أشارككم، ياريت تيجوا تشاركونا الوقفة دي في الفيلم، في السينمات من أول فبراير".

كما كانت للفنانة دارين حداد مشاركة بالفيديو قالت فيها: "بحبكم جدا ومبسوطة إني جزء من الجروب ده، عملت بحث وشوفت حواديت كتير مكنتش أعرفها، عشان كده عملنا لكم وقفة فيلمنا، وأتمنى كل الماميز يتفرجوا عليه".

وشارك الفنان محمد ثروت أيضا بفيديو قال فيه: "إلى كل الماميز في مصر والدول العربية، إحنا فعلا عاملين وقفة بس في الفيلم، وبصراحة إحنا حاسين بمعاناتكم ومشاكلكم، عشان كده عملنا فيلم كوميدي خفيف يحكي عن المشاكل دي ونضحك عليها مع بعض، خشوا الفيلم واضحكوا وهاتوا معاكم البابيز".

ولم يتوقف الجروب الذي تم إنشاؤه في فيسبوك على هذه الرسائل من أبطال الفيلم، فنشر الجروب مجموعة من القرارات جاءت كالتالي:

قرار الماميز رقم 1

للماميز يوم كل أسبوعين للترويق على نفسيتها تفصل فيه من العيال وأبوهم يشيلهم، وياريت الرجالة تحمد ربنا إنه مش كل أسبوعين.

وفقة الماميز

قرار الماميز رقم 2

مش لازم فراخ وبانيه خالص في المرحلة دي، سيبكوا منها خالص وقاطعوها لحد ما ترخص، وخلينا في الخضار والبروتين النباتي.

وفقة الماميز

قرار الماميز رقم 3

هنقاطع الدروس الخصوصية والسناتر يا ماميز، وهنذاكر لعيالنا من كتاب الوزارة بس عشان نجبرهم الامتحانات تيجي منه، كفاية كده مبقاش فينا حيل ولا جنيه في جيوبنا.

وفقة الماميز

مستخدمو مواقع التواصل بدورهم تلقفوا الدعوة لوقفة الماميز بطريقة كوميدية ساخرة، ونشر عدد منهم مشاركات علقوا فيها على الوقفة بطريقتهم.

وفقة الماميز

وتدور أحداث فيلم "جروب الماميز" في إطار كوميدي حول جروبات الماميز عبر واتس اب، خلال فترة الدراسة، وما يحدث مع الأبناء وأولياء الأمور والمدرسين في شكل كوميدي.

الفيلم من بطولة روبي ويسرا اللوزي ودارين حداد ومحمد ثروت ومحمود حافظ وحازم إيهاب وتأليف إيهاب بليبل وغادة عبد العال وإنتاج محمد رشيدي «رشيدي برودكشن»، وإخراج عمرو صلاح.