صفية العمري: "نازك السلحدار" لم تضيف لي.. تمن البرنيطة في "ليالي الحلمية" بسعر حلقة

مي جودة | فى حياة المشاهير

صفية العمري

السبت , 10 سبتمبر 2022 - 01:09 | اخر تحديث: السبت , 10 سبتمبر 2022 - 01:09

تحدثت النجمة صفية العمري عن كواليس تصوير مسلسل "ليالي الحلمية" ودورها المميز "نازك السلحدار".

قالت صفية العمري: "نازك السلحدار دي شخصيتي أنا، يعني أنا طول عمري كده من وأنا صغيرة ودي شخصيتي، نازك ماضفتش ليا حاجة، بالعكس أنا اللي ضفت ليها من روحي ومن شخصيتي أنا"، حسب لقائها مع بوسي شلبي.

صفية العمري

وتحدثت صفية العمري عن كواليس مسلسل "الأيام" مع أحمد زكي، وقالت: "في بداياتي، حتى مفكرتش وقتها مين اللي هيلبسنا، زي ما موجود النهاردة الفنان بيدخل معاه 7 وراه مبيجبش حتى المنديل من بيته، إحنا مكناش بناخد فلوس خالص، يعني مبالغ ضئيلة جدًا، وكنا بنصرف على مظهرنا، يعني لبس مسلسل (هوانم جاردن سيتي) كله و(ليالي الحلمية) أنا جبته على حسابي، تمن البرنيطة بس بسعر حلقة، مكناش بنفكر هنقبض كام لأنه كان الفن بالنسبة لنا هو الحياة".

صفية العمري‎

صفية العمري

واقترحت صفية العمري خلال الحلقة حصول الفنانيين على مقابل مادي، نظير عرض أعمالهم على القنوات التلفزيونية، قائلة: "إحنا الفنانيين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم، العالم كله بيدفع للفنان، المنتجين مش هتدفع من جيوبها، لكن القنوات هي اللي مستفيدة لكن الفنان مش مستفيد بحاجة، للأسف النهاردة فيه فنانيين كتير مرضى، هل ينفع إن الدولة هي اللي تعالج الفنان؟ أنا غضبانة جدًا".

صفية العمري

وكان آخر أعمال صفية العمري فيلم كان لك معايا وتدور أحداث الفيلم فى إطار اجتماعى رومانسى، وهو من بطولة الفنانة صفية العمرى والفنان محمود قابيل، إضافة إلى كل من الشباب منة جلال وأسامة أسعد.

#شرطة_الموضة: يسرا ترتدي فستان وردي في مهرجان فينيسيا.. سعره يصل لـ100 ألف جنيه

اللقطات الأولى من حفل زفاف إسلام جمال - صور وفيديو

ياسمين رئيس تتحول إلى شهرزاد في مسلسل "ألف ليلة وليلة" رمضان 2023 ... هذا النجم يلعب دور شهريار

لا يفوتك: #شرطة_الموضة ... إبداع الفنانات في ملابس الصيف "كورسيه توب" و"كروب توب" و"كروشيه" و"ألوان متناقضة