اعترافات صادمة في قضية منة عبد العزيز... تعاطي مخدرات وعلاقات جنسية بالإكراه

FilFan.com | فى حياة المشاهير

منة عبد العزيز

السبت , 22 أغسطس 2020 - 22:08 | اخر تحديث: السبت , 22 أغسطس 2020 - 22:08

لا تزال أزمة فتاة التيك توك "منة عبد العزيز، تثير الجدل بعد نشر نص التحقيقات مع المتهمين بالتعدي عليها، والذين ينتظرون محاكمتهم لاتهامهم بخطفها بالتحايل والإكراه، ومواقعتها كرهًا عنها.

فيما يلي أبرز اعترافات المتهم، مازن إبراهيم الطاهر، وشهرته "المميز"، في تحقيقات النيابة:

1- أنا أعرف منة عبد العزيز من حوالي 4 أشهر، لأني قابلتها في عيد ميلاد، في كافيه فى المهندسين، وهناك تجمع نجوم تيك توك كلهم، وبعد ما خلصنا عيد الميلاد، رحت أنا ومنة وناس تاني نايت كلوب، في شارع النيل، ودخلت الحمام ولفيت سيجارة حشيش، ورجعت أشربها، وجاتلي منة، قالتلي عايزة أشرب معاك، وقعدنا نشرب سوا، وهي شربت خمير تكيلا، وقمنا رقصنا سوا وعملنا 5 فيديوهات اليوم دا، وبعدها بـ 3 أيام كلمتها وقابلتها ونزلنا المهندسين، وجبنا مخدرات وشربنا واتصورنا الصورة الشهيرة اللي كانت لابسة فيها جيبة قصيرة وطقم أصفر، وعملنا 4 فيديوهات، ونشرتهم على انستجرام وفيس بوك.

2- بعدين روحت لصاحبي فى المهندسين، وبعدها روحت شقة صاحبي دا فى الهرم، واليوم دا عاشرتها جنسيا، واكتشفت ساعتها انها مش بنت، واستمرت العلاقة بينا وعاشرتها حوالي 6 مرات لمدة شهر تقريبًا في شقق كنت بأجرها في المهندسين وجامعة الدول والزمالك، وفي الفترة اللي فاتت دي - الـ 4 أشهر اللي فاتوا - كنا بننزل أنا ومنة كافيه موجود عند كنتاكي في وسط البلد، وبدأ ينزل معانا "كلاشنكوف"، وكنا نقعد مع بنات ونشرب شيشة ونتفق على فيديوهات ونضحك ونهزر.

3- مرة "بسام وكلاشنكوف" كلموني يفطروا عندي، في رمضان، وجولي بيتنا، وبعدها اتصلت بمنة، عشان نتقابل ونبات مع بعض فى فندق بالهرم، قالتلي أنا معايا 3 بنات تاني وهن "شيماء شاكر وأختها فاطمة ورحمة"، قلتلها هاتيهم وتعالي، وتقابلنا وروحنا الفندق، وقابلنا هناك "سراج فاروق" وكان حاجز لينا أوضتين وسويت، وبعدها نزلنا أنا وبيشوي، جبنا شريط برجدين 400، ونص سنتي حشيش من ديلر، وكرتونة بيبسي كانز، و7 علب سجاير LM أحمر، وبيشوي اشترى موس عشان يقطع بيه الحشيش، ورجعنا الفندق، وفجأة كله قال ننزل البيسين، وبعدين طلعنا الأوضة تاني، وفجأة شيماء قالت إنها مش لاقية الموبايل بتاعها، واتهمت "منة" وضربوا بعض، وأنا أخدت منها تليفونها وفتشت شنطتها وأخدت منها 125 جنيه، وقلتلها هدي تليفونك لشيماء، لغاية ما تجيبي التليفون اللي أنتي سارقاه.

4- منة دخلت السويت وقفلت على نفسها، وبيشوي عرف يدخل عندها، وبعدها سمعنا منة بتقول (متعورنيش يا بيشوي.. أنا هقلع لوحدي، وبصينا من البلكونة لقيناه مع منة، وكلاشنكوف عرف يدخل وكلنا وراه، وشوفنا منة عريانة، وهي بتلبس البنطلون، وشيماء شاكر كانت بتصور، وساعتها بيشوى ضرب منة على وشها.

5- اتفرجت على الفيديو اللي انتشر، وبعدها عملت فيديو 15 دقيقة، وقلت اني معملتش كده، ورفعت صور قديمة لينا على الفيس بوك، وبعدها بيوم، عمي أحمد الطاهر كلم "كلاشنكوف"، وجاب "منة" عشان نحل الموضوع، وراحوا عند عمي، وجابلها IPHONE 11، وطلعت هي في 4 فيديوهات تقول مازن أخويا الكبير ومعملش حاجة.

6- كان عندي قضية سرقة وخدت فيها براءة.

7- أنا أقمت علاقة مع "منة" كتير، ويوم 22 مايو 2020، سحبتها على الفندق، عشان تقضي سهرة معانا، أنا وبيشوى وكلاشنكوف.

8- أخدت منها 125 جنيه، وضربتها على وشها بالقلم.

اقرأ أيضا:

تطورات قضية هالة صدقي وزوجها.. المحامي ينسحب ويوجه رسالة للأبناء

تعليق عمرو محمود ياسين على بكاء مؤمن زكريا