تامر أمين ينتقد حنين حسام: صعبانة عليا بس مش قادر أسامحها

إيمان مندور | فى حياة المشاهير

تامر أمين وحنين حسام

الثلاثاء , 21 أبريل 2020 - 13:04 | اخر تحديث: الثلاثاء , 21 أبريل 2020 - 13:04

علّق الإعلامي تامر أمين على الجدل الذي أثير خلال الأيام الماضية، عقب قرار رئيس جامعة القاهرة بإحالة الطالبة حنين حسام إلى التحقيقات، لقيامها بسلوكيات تتنافى مع الآداب العامة والقيم والتقاليد الجامعية.

أوضح أمين في حلقة الاثنين من برنامج "آخر النهار" المذاع عبر قناة النهار، أن الفتاة أخطأت خطأ كبيرا بدعوتها للفتيات بأن يدخلن على أحد المواقع ويقمن بفتح الكاميرا والحديث مع الرجال، وتكوين صداقات معهم، مقابل أموال، مضيفا: "دي دعوة مبتذلة أوي.. طبعا تعرضت حنين لهجوم شرس، والناس عندهم حق.. أنا مش فاهم ازاي بنوتة صغيرة جميلة تطق في دماغها الطقة دي .. يعني ايه بنت تطلع وتفتح الكاميرا وهدفها تجذب الزجالة ايه الابتذال ده.. ملعون ابو النت لو هو ده السكة اللي فاهمين إنه معمول عشانها النت".

تابع: "لكن البنت طلعت بفيديو عيطت فيه بسبب الهجوم.. صعبت عليا وهي بتبكي ومنهارة.. لكن ما هي برضو غلطت بالدعوة اللي عملتها.. أنا مضايقني إني مش قادر أسامحها كاملا رغم إنها تستحق الشفقة والعطف لكنها معتذرتش في النهاية عن اللي قالته".

أضاف أمين أنه يتمنى أن يطبق القانون معها بمنتهى الحسم، وتأخذ عقابها بجدية، قائلا: "تتقرص ودنها وتعرف إن الله حق.. وتتعاقب عقاب مبخليهاش تفكر ترجع للسكة دي تاني، بس مع الحفاظ على مستقبلها لأن اكيد عندها أب وأم دلوقت زمان قلبهم عليها وصرفوا عليها وكبروها... مش عارف أنا قلبي ليه رهيف النهاردة بس البنت صعبانة عليا ومعتبرها زي بنتي".

كانت الأجهزة الأمنية بوزارة الداخلية قد تمكنت صباح اليوم من ضبط حنين حسام الطالبة بكلية الآثار جامعة القاهرة وصاحبة الفيديوهات على مواقع التواصل الاجتماعي Facebook وTikTok، لبثها فيديو على أحد برامج التواصل الاجتماعى تحرض فيه على الفسق والفجور، وتم اتخاذ الإجراءات القانونية حيالها.