بعد رحيلها بأيام... حسام داغر يوجه رسالة لوالدته: الدنيا لسه بخير‏

ولاء مطاوع | فى حياة المشاهير

حسام داغر ووالدته

السبت , 25 يناير 2020 - 12:01

توفت قبل عدة أيام والدة الفنان حسام داغر بعد صراع مع المرض قي إحدى المستشفيات.‏

نشر داغر عبر حسابه الشخصي على Instagram، عدة صور جمعته بوالدته الراحلة، وعلق عليها قائلًا: "بكرة السبت 25 يناير عيد ‏ميلادك في الجنة يا أمي ، أول مرة منكونش سوا بس أنا حاسس إنك في مكان أحسن، حلمت بيكي وإحنا في الطيارة سوا رايحين ‏الحج زي ما روحنا من سنتين و أنتي بتقولي لي عاوزة أنام وغطيتك في الحلم واكتشفت إنك أخر حاجة كتبتيها دعاء النوم من حوالي ‏شهر عرفت إنك بتطمنيني".‏

‎‎

تابع: "بكرة عيد ميلادك هنعمل ختمة تاني ليكي للمصحف عندي في البيت الساعه 6 هنتجمع أنا وكل حبايبك اللي حابب يشارك ‏معانا كل واحد هيقرا جزء يبعتلي وأنا هرسل له العنوان في بيتي في الشيخ زايد بشكر كل الي وقفوا معايا".‏

أضاف أشرف زكي: "من أول دكتور أشرف زكي الي مسابنيش من قبلها بيوم و هو معايا يوميا لحد ما خلصنا العزا وأستاذي خالد ‏جلال و كل حبايبي والغاليين علي قلبي الي بيحبوها اللي جم و لسه بييجوا البيت كل يوم وواقفين جمبي، الدنيا لسه بخير".‏
‎‎

‎ ‎
يشار إلى أن حسام داغر شارك خلال شهر رمضان الماضي في بطولة مسلسل "زلزال" مع محمد رمضان وحلا شيحة ونسرين أمين ‏وهنادي مهنا وماجد المصري ومن تأليف عبد الرحيم كمال، وإخراج إبراهيم فخر، وإنتاج شركة "سينرجي" لمالكها تامر مرسي‎.‎
‎‎

‎‎

اقرأ أيضًا:

صور- بكاء حسام داغر في جنازة والدته

منى زكي تشكر حسن شاكوش: بحب صوتك