دياب يوجه نداء لضباط الشرطة .. أنقذونا من هؤلاء

مي جودة | فى حياة المشاهير

دياب

الثلاثاء , 28 مايو 2019 - 01:05 | اخر تحديث: الثلاثاء , 28 مايو 2019 - 01:05

وجه الفنان دياب رسالة استغاثة لضباط الشرطة.

كتب دياب عبر حسابه بموقع Facebook: "السلام عليكم ورحمة الله وبركاته
اتمنى هذا البوست يصل لكل اخواتنا واصحابنا ظباط الشرطة المحترمين المخلصين فى كل ربوع مصر أرجوكم لابد من وضع حد للمهزلة اللى اسمها التسول فى الشوارع خصوصا من العيال اللى زى البهايم اللى بيتسببوا فى رعب وفزع اخواتنا وبناتنا فى الشوارع انهارده كنت على وشك ارتكاب جريمة بسبب عيل منهم المجرمين دول ولا يوصفوا بغير ذلك الواد ماشى ورا بنت عايز يشحت منها بالعافية والبنت مرعوبة الكلام ده فى شارع لبنان المهندسين مقدرتش امسك نفسى من المنظر نزلت من العربية كنت هضربه بس الحمد لله مسكت نفسى عشان للأسف لو كنت ضربته او عملتله حاجة كانوا هيقولوا بص الفنان بيفتري علي عيل غلبان و هو لا غلبان ولا نيله والبنت تقريبا كانت بتبكى من الخوف وده شارع زحمة جدا ومافيش ولا حد لفت نظرة القرف اللى بيحصل ده طبعا البنت مشيت جرى يا حرام وده كان هدفى انقاذها من الرعب ده
حسيت اختى او بنتى او مراتى فى موقف زى ده دمى اتحرق ارجوكم يا رجال الشرطة انقذوا بناتنا من هذا الإجرام".

دياب يشارك في دراما رمضان 2019 بمسلسل "أبو جبل" مع مصطفى شعبان وحسن حسني ونجلاء بدر، ومريم حسن، ودياب، وعائشة بن أحمد، ورشا بن معاوية، ومحمود البزاوي، وصلاح عبد الله، ومحمد علي رزق، وغفران محمد، وأحمد خالد صالح وغيرهم، من تأليف محمد سيد بشير، وإخراج أحمد صالح.

اقرأ أيضا

فك اللغز: هل هذا هو القاتل الحقيقي لطفلي مصطفى شعبان في "أبو جبل"..دلائل تشير إليه