أيمن بهجت قمر عن نجاح فيلم "البدلة": كان علاجا لي

محمد عاشور | فى حياة المشاهير

أيمن بهجت قمر مع أبطال وصناع فيلم "البدلة" في العرض الخاص له

الخميس , 13 سبتمبر 2018 - 12:09 | اخر تحديث: الخميس , 13 سبتمبر 2018 - 12:09

عبر السيناريست والشاعر أيمن بهجت قمر عن سعادته بالنجاح الكبير الذي حققه فيلمه الأخير "البدلة"، واعتبره علاجا شخصيا له.

وكتب أيمن بهجت قمر عبر حسابه على Facebook،: "نجاح فيلم البدله بالنسبالي مش نجاح عادي لفيلم انا كتبته ..لأ.. ده نجاح شخصي ليا وبعتبره كإنه علاج لفتره مرت عليا من أصعب فترات حياتي، لإني كتبته في ظروف عشان تكتب فيلم كوميدي فيها يبقى أنت (جِبله) أو مابتحسش، لكن بصراحه كل اللي حواليا ساعدوني في تحقيق ده بداية من تامر ووليد وأكرم ومحمد وكل الناس".

"كنت محتاج أنجح قدام أولادي بهجت وأدهم عشان هما شافوا معايا موقف في السينما في الفيلم اللي قبله، وسمعوا واحد من الجمهور بيسب في مؤلف الفيلم وزعلوا، وأنا فهمتهم أن ده فن، ومادام نزل يبقى ملك الناس، يعني هما أحرار في رأيهم، بس من جوايا كنت بدعي ربنا يصلح الموقف ده وبسرعه عشان خوفت إيمان ولادي بيا يتهز، لأنهم صغيرين ومش فاهمين".

"خلاصة الكلام ربنا دايما بيدي للي بيتعب وبيخلص ومحدش بيخسر كل حاجه أو بيكسب كل حاجه ٢٤ قيراط ربك مقسمهم وعالم بينا وبخبايانا .. صباحكوا فل".

ومن ناحية أخرى، لايزال فيلم "البدلة" يحتل المركز الأول في قائمة إيرادات أفلام موسم عيد الأضحى.

ووصل إجمالي ما حققه الفيلم منذ بداية عرضه إلى 42,752,584، أي ما يقرب إلى 43 مليون جنيه.

فيلم "البدلة" قصة تامر حسني وسيناريو وحوار أيمن بهجت قمر ومن إخراج محمد العدل وإنتاج وليد منصور، وبطولة كل من تامر حسني وأكرم حسني وأمينة خليل وماجد المصري ودلال عبد العزيز ومحمود البزاوي ومحمد ثروت وطاهر أبو ليلة.

اقرأ أيضا:

التحضير لجزء ثاني من فيلم "البدلة".. هذا موعد عرضه

تعرف على إجمالي إيرادات أفلام عيد الأضحى.. "البدلة" في الصدارة و"تراب الماس" يتفوق على "الديزل"