شمس البارودي ترد على مروجي شائعة دخولها مستشفى الأمراض العقلية: لازم ألبس العباية السودة والنقاب عشان أرضي أهل الشر

نهال ناصر | فى حياة المشاهير

شمس البارودي

الأربعاء , 28 أكتوبر 2026 - 14:13 | اخر تحديث: الأربعاء , 28 أكتوبر 2026 - 14:13

عبرت الفنانة المعتزلة شمس البارودي عن انزعاجها من بعض الصفحات والأشخاص الذين يكتبون أخبار كاذبة عنها، وصلت إلى الإدعاء أنها وضعت في مستشفى المجانين.

ونشرت شمس البارودي فيديو على صفحتها عبر Facebook أوضحت سبب غيابها عن جمهورها وقالت فيه: "أنا بعمل فيديوهات زي كل الستات اللي بتعمل محتوى بس أنا بعمل محتوى محترم وراقي إيه اللي واجعكم فيه مش فاهمة إزاي بتحطوا عنوانين كده، واحد بيعمل فيديوهات ويبدأ ببسم الله ويخوض في سيرتي وسيرة كل الفنانين ويقول شمس البارودي اتجننت، وواحد تاني بيقول دي رابعة العدوية هو أنا لازم ألبس العباية السوداء علشان أرضي أهل الشر يعني لازم أبقى لابسه العباية السوداء والنقاب وأنا في سني دا، أنا ذنبي إيه إن سني مش باين على شكلي، أنا بعيدة اليومين دول عشان ذكرى زوجي بختم القرآن عدة مرات عشان كده منزلتش بقالي 3 أو 4 أيام فيديوهات إيه اللي أنتوا فيه دا إيه حالة الهيجان اللي حاصلة عليا وبشكل سيء، أنتوا إزاي قلبكم أسود كده".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت: "ويكتبوا أن شمس البارودي خدوها على مستشفى الأمراض العقلية عشان بربي كلب أو بنشر صوري أنا وزوجي دي ذكرياتي مش همحيها، الناس اتجننت وفاكرين أنهم كده هيمنعوني أنزل محتوى بتاعي وأنا بحبه وكل متابعيني بيحبوه، مين اللي واجعة أوي تواجدي مين اللي عامل الحملة دي عليا، إيه قلة الأدب دي إيه اللي في مستشفى الأمراض العقلية تعالوا سمعوا معايا القرآن وروني أنتوا حافظين اللي أنا حافظاه ولا لأ، حفاظ القرآن لا يفقدوا الذاكرة ولا يصيبهم زهايمر ولا يخرب عقلهم عيب أنتوا إزاي عارفين تاخدوا فلوس من المحتوى اللي بتعملوه دا".
نرشح لك: ياسمين عبد العزيز بلوك ساحر يتلألأ بالتدرجات اللونية خلال تكريمها في حفل The Best

وأكملت شمس البارودي: "ربنا رب قلوب يا ناس أنتوا أه بتعيبوا في الفنانين عشان عريانين، أنتوا حرين وهما حرين ربنا يحاسبهم الله أعلم حالهم إيه عند الله يمكن خاتمتهم تكون أفضل من اللي قاعدة مغطية وشها يمكن ربنا يكتبلهم حسن الخاتمة، أنا ست متمسكة بحجابي أنا خلاص مش مقتنعة بالنقاب وشفت بلاوي من ناس بيتخفوا ورا النقاب وشفت شحاتات ووحشين ولابسين نقاب ليه أنتي مش حلوة أساسا لابسه النقاب ليه، النقاب دا مشي زي إسلامي والشيخ الشعراوي ودكتور يوسف القرضاوي قالولي الأصل في الإسلام كشف الوجه، أنا بلبس حاجات ألوان وحاطة حجابي وشعري زي الفل وشعري مش أبيض".