كندة علوش عن فترة مرضها: بعتبرها نعمة من ربنا وبقيت أشوف الدنيا بشكل تاني

نهال ناصر | فى حياة المشاهير

كندة علوش

الاثنين , 26 أكتوبر 2026 - 15:22 | اخر تحديث: الاثنين , 26 أكتوبر 2026 - 15:43

تحدثت الفنانة كندة علوش عن فترة مرضها ووصفت ما مرت به أنه نعمة من الله جعلتها تغير نظرتها للحياة.

وفي لقائها ببرنامج "صاحبة السعادة" مع إسعاد يونس: "محنة المرض أنا مبطلقش عليها محنة بطلق عليها نعمة ربنا من محبته بيا ادهالي وما بقولش الكلام ده تنظير أنا مؤمنة بده الحمد لله حاجات كتيرة قوي اتغيرت بقيت أشوف الدنيا بشكل تاني وبحاول أشوف جوهر الحاجات مش قشرة الحاجات مبقتش ازعل من الحاجات الدنيوية بمعنى أنا مبزعلش لو راح مني دور مبزعلش من صحابي مبزعلش لو فاتني حدث يعني مبزعلش لو فاتني مهرجان وحفلة وخروجة ما متعلقش بشنطة وبعربية يعني بقيت أفهم أن الأساس هو أسرتي يبقوا عيالي كويسين جوزي يبقى كويس أمي وحماتي وصحتي اللي بقيت حريصة أن أخد بالي منها أكتر صحة عيالي وجوزي، بقيت شايفة أن هو ده أساس الحياة إن إحنا نبقى كويسين بقيت بقدر النعم وبشكر ربي عليها النعم الصغيرة مش بس النعم الكبيرة أبسط النعم النفس والعين والبصر كل حاجة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت كندة علوش: " بقيت ليه مبزعلش عشان بقيت بحاول أن أنا ما أحكمش على الناس عشان إحنا بنبقى سريعين في الحكم على الناس ده دمه تقيل عشان ده رخم، بقيت عارفه أن ممكن ناس كتيره تبقى بتتوجع وبتتألم وما بتقولش فانت ما تشوفش بس الظاهر اللي هو ده ممكن يكون دمه ثقيل بالنسبة لك ولبسه مش عاجبك وشكله وطريقة أكله بس بالراحة على البشر عشان كل حد فينا يخفي وراءه قصة مؤلمه وجاي من حاجة إحنا لا نعلمها وحتى مثلا الناس تشتمك على سوشيال ميديا مبقتش ازعل منهم عشان بقعد أقول طب أيش عرفني اللي بيشتمني ده إيه الاحباطات اللي عنده والأسرة اللي تخليه يطلع كبته ما يطلع كبته خلاص يعني هعمل ايه أنا يعني، ده مش معناه أن أنا شخص مثالي لا أنا شخص عندي كم من العيوب لا ينتهي بس أنا قصدي بقيت بقدر وببص على الجوهر ومش ببص على التفاصيل".

نرشح لك: #شرطة_الموضة: عمرو دياب يضيف سلسلة أنيقة من Chopard لمجموعة مجوهراته .. سعرها 807 آلاف جنيه

وأكملت كندة علوش: " فيما يخص الشغلانة كنت منهكة وتعبانة وحاسه أن شغلانتنا والله متعبه جدا حقيقي والناس بتفتكر إنا بنقول ده كلام واكيد هي فيها دلع ورفاهيات وحاجات حلوة بس فيها إرهاق نفسي سواء في الشغل ووقت الشغل وضغط الشغل وعدم التنظيم ولا سواء في المجاهدة النفسية طول الوقت اللي انت عندك ان انا عايزه اعمل شغلي بأحسن شكل، بنيت شكل علاقة مع المهنة أنا سعيدة بيه اللي هو مفيش حاجة اسمها أنا لازم أكون موجودة طول الوقت وما غبش عن الشاشة وابقى موجوده في رمضان وفي الأفلام وفي المسلسلات واللي قادر يعمل كده برافو عليه أنا عندي أولويات لما يبقى عندي براح انزل اشتغل بإخلاص شديد بس ده مش عارفه أنه يكون كل حياتي أنا كل حياتي هي صحتي وأسرتي وجوزي ولما بقدر بنزل بشتغل".

يذكر أن كندة علوش يعرض لها مسلسل "خمسين خمسين" بطولة كندة علوش، معتز هشام، ياسمينا العبد، حمزة دياب، انتصار، حازم إيهاب، إلى جانب عدد من الفنانين، من تأليف عمرو أبو زيد وأحمد هشام، وإخراج أحمد عبد الوهاب ومن إنتاج سالي والي شركة S Productions.