نجوى إبراهيم تنتقد إطلالات الفنانات في المهرجانات: أنا مالي برجليكي ومالي بالصدر والكتاف

نهال ناصر | فى حياة المشاهير

نجوى إبراهيم

السبت , 24 أكتوبر 2026 - 16:26 | اخر تحديث: السبت , 24 أكتوبر 2026 - 16:28

انتقدت الإعلامية نجوى إبراهيم إطلالات النجمات في المهرجانات خاصة ما حدث في الدورة التاسعة من مهرجام الجونة.

وقالت نجوى إبراهيم في برنامجها "بيت العز" عبر إذاعة وقناة "نجوم FM": "أنا متعصبة من اللي بشوفه الأيام اللي فاتت، الست هي أقيم شيء في الحياة هي اللي بتدينا الحياة الأم، يا حبايبي إنتي هتبقي أم، ربنا يديكي الزوج الصالح والأولاد اللي يبقوا فخورين بيكي، المظهر مهم والمهن غير الحرة أنت عملت عقد مع مين عشان يقولك تعمل إيه اقري العقد لو قالك اقلعي والبسي كده قولي لأ أعرضي على ماما وبابا وخطيبك أو جوزك لكن متفضليش تزني وتنكدي عليه عشان تطلعي لابسه الفستان الشيك الحلو أوي اللي ديله يعمل خمس فساتين ويا عيني مفيش كمام، زي ما أنتم من حقوا تعملكوا كده لازم الإعلام يبقى من حقه يقولك دا كتير، لأن الست هي القدوة في المجتمع".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت نجوى إبراهيم: "إحنا ليه بقى منظر الستات المصريات في الدراما بالشكل دا ليه منظر الستات في المهرجانات يبقى بالشكل دا، حتى لو أنتي بينك وبين نفسك بتروحي في الأفراح بالشكل دا أنا مليش دعوة إنتي في مهن غير حرة أنتوا مش حرين مش أحرار أنا بحبكم وبحترمكم وعلاقتي طيبة بكل الزمايل إعلام وفن وثقافة لكن المكان اللي أنا فيه وبتجيلي رسايل من كل مكان من حقكم علينا إننا نقولكم أن دا مش حلو زيادة حبتين وقللي شوية، وبعدين مش معقول اللي مستغرباه أن الزوج بيبقى فرحان جدا أن مراته بقت قمر وشوفوا الحتة دي إزاي يعني أنا خايفة على الشباب الجداد جدا، ومن تجربتي لازم أقولكم أن الشهرة الحقيقية مش في استمرارها في استمرار السمعة الحسنة كلنا بنغلط ونفشل ويتقال علينا كلام لكن الحاجة الأساسية خرسانة محترمة تبني عليها ناطحة سحاب".

نرشح لك: دينا الشربيني وإنجي المقدم وهنا شيحة ونجوم الفن في ختام مهرجان الجونة السينمائي

واضافت نجوى إبراهيم: "موضوع المهرجانات والجوايز مش محتاجة مننا أننا نعمل حاجة عكس المطلوب وكل ما الفستان طول أوي وبقى بديل طويل القماش بيتحط في الديل طيب ما ناخد شوية قماش نحطهم على الكتاف، في حاجات محتاجة أن الواحد يخلي باله منها عشان لما يكبر ربنا يديكم طولة العمر مع شهرتكم ونجاحكم، أنه متبقيش مخضوضة لو جبتي ولد وكبر معاكي وبص وقال إيه اللي إنتي عملاه يا ماما وأنتوا فاهمين أنا عايزة أقول إيه".

وأكملت نجوى إبراهيم: "إيه الفكرة لما أشوف فنانة أشوف كل حاجة أنا مالي برجليكي حبيبتي أنا مالي بالصدر والكتاف إيه دا كتير، الأناقة شيء وعدم اللبس اللطيف شيء تاني خالص، كل واحد حر لكن في حاجة اسمها مهن غير حرة، في عقد وبتروحي الشغل مينفعش وأنا مذيعة وأبقى لابسه من غير".