ياسمين رئيس: مرض أمي بالسرطان كانت أصعب سنة مرت عليا ودينا الشربيني وقفت على غسلها

نهال ناصر | فى حياة المشاهير

ياسمين رئيس ودينا الشربيني

الأربعاء , 21 أكتوبر 2026 - 13:05 | اخر تحديث: الأربعاء , 21 أكتوبر 2026 - 13:10

حكت الفنانة ياسمين رئيس عن أصعب وقت مرت به وقت مرض والدتها بالسرطان.

وخلال لقائها في برنامج "ABtalks" حكت ياسمين رئيس عن فترة مرض والدتها وقالت عن اليوم الذي عرفت فيه عن المرض: "كان يوم العرض الأول لفيلم "لص بغداد" وجالي تليفون قبل العرض بالظبط وقالي نتيجة التحليل، كانت المرحلة متأخرة سرطان في الكبد ودا أصعب، وأنا عندي العرض الأول ولازم أنزل وكنت ماسكة نفسي وواقفة بتصور، فتحي عبد الوهاب سألني في إيه مالك؟ كنت لسه هتكلم وانفجر في العياط، قالي أمسكي نفسك إحنا بنتصور فوقفت واتصورت، الصور دلوقتي لما ببص فيها بقول إيه دا إزاي شكلي عادي إزاي أنا جامدة كده برافو عليا، الواحد أوقات بيجيله الخبر وهو في حاجة مهمة وأنت لازم تبقى عادي ومتماسك ومتبينش إنت في وسط الناس، كملت عادي وخلصت والكلام دا كان في أواخر 2019".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ياسمين رئيس: "كانت أصعب سنة في حياتي من وقت تشخيصها بالمرض لوفاتها، كانت كمان السنة اللي فيها كورونا هي تعبت في نوفمبر 2019، وفي 202 في كورونا والعالم والمستشفيات كلها بتقفل، مفيش دكاترة ومفيش مستشفيات ومفيش سفر، أنا فاكرة كنت أنام عارفة أن التليفون هيرن عشان نجري على المستشفى عشان كان بيجلها نزيف داخلي ولازم تعمل عملية توقف النزيف، اتكرر الموضوع كذا مرة، ببقى قاعدة في البيت على أعصابي من أي تليفون، ومش عايزة أنزل عشان ممكن أتعب وأعديها، فبتقفل على نفسك أنت وكل اللي معاك عشان محدش يمرض ويعديها كل حاجة كانت صعبة وقت كان صعب أوي، 11 شهر معرفش عدوا إزاي، إحنا عارفين وشايفين النهاية بس مش عارفين نعمل إيه دا مفيش دكاترة ولا سفر، بس الحمد لله هي كانت لسه صغيرة كانت 60 سنة وكانت جميلة الله يرحمها، آخر حاجة كنت أتوقعها في حياتي أنها تموت صغيرة كنت متخيلة أنها هتعيش حتى آخر العمر بس مفيش حد بيعيش لآخر العمر".

نرشح لك: خالد النبوي ونور النبوي وكندة علوش وياسمينا العبد في العرض الخاص لفيلم "ولا كان عالبال"

وأكملت ياسمين رئيس: "أوقات بحس أن هي لازم تكون موجودة دلوقتي ومحتاجاها حتى لو أنا كنت كبرت واتجوزت وخلفت حتى لو هي مش موجودة 24 ساعة في حياتي بس محتاجاها، ومحستش بدا إلا بعد ما هي مشيت، وهما موجودين بتبقى فاكرهم هيفضلوا موجودين على طول".

وكشفت ياسمين رئيس أنها لم تستطع حضور غُسل والدتها وحكت: "مش بقدر أشوف دم ومش عارفة الخوف دا منين، الدفن بخاف منه مش بقدر أشوفه حضرت مرة دفنة ومقدرتش بعد ما دفنوها تحت الأرض والناس ماشية اللحظة دي مش بقدر عليها، ولحظة الغُسل، أنا مقدرتش أغسل أمي الله يرحمها ودينا الشربيني هي اللي دخلت غسلتها، أنا فاكرة قلتلها مش قادرة، مقدرتش أشوف الست القوية دي نايمة ومش بتتحرك وأنا اللي بعملها كل حاجة لأني كنت دايما شايفاها قوية وهي فعلا كانت قوية، ومش حاسه إني ندمانة لأن هي صورتها اللي في دماغي إنها الست الحلوة القوية".

اقرا أيضا:

بين القصير والريش وتصميم "الزيبرا" … هيفاء وهبي بـ3 إطلالات في حفل مستر لبنان

منى زكي: "نورا" في "طالع نازل" مش شريرة هي بتاخد حقها

إلهام شاهين: أي حاجة أعملها تعجب الناس

محمد شاهين: بحب الأدوار المركبة بس في الحياة الحمد لله أنا مش شرير

لا يفوتك: في حماة قمر كدة؟! فرحة أم العروسة غادة عادل بخطوبة ابنتها مريم

لا يفوتك: أفلام ناجحة هنشوف لها جزء جديد قريب سهر الليالي وطير انت ومافيا وصعيدي في الجامعة الأمريكية وغبي منه فيه ... حقيقة ولا أمنيات؟؟

أفلام ناجحة هنشوف لها جزء جديد قريب #سهر_الليالي و #طير_انت و #مافيا #صعيدي_في_الجامعة_الأمريكية #غبي_منه_فيه ... حقيقة ولا أمنيات؟؟
ايه الفيلم اللي نفسك تشوف له جزء جديد؟ pic.twitter.com/xGeHGJO22I
— FilFan.com (@FilFan) September 19, 2026