بعيد غياب عامين للعلاج من السرطان … آيات أباظة تعلن عودتها: متوترة كأني بطلع لأول مرة

نهال ناصر | فى حياة المشاهير

آيات أباظة

الثلاثاء , 6 أكتوبر 2026 - 12:42 | اخر تحديث: الثلاثاء , 6 أكتوبر 2026 - 12:42

أعلنت الإعلامية آيات أباظة عودتها للشاشات من جديد لتقديم برنامجها على قناة "نايل دراما" بعد غياب عامين للعلاج من مرض السرطان.

وكتبت آيات أباظة لتزف الخبر لأصدقائها وجمهورها عبر حسابها على Facebook وقالت: "بعد غياب سنتين وفترة صعبة مع المرض الحمد لله النهارده راجعة أطلع على الهوا تاني، وحشني شغلي ووجودي معاكم وفرحانة بالرجوع رغم إني متوترة كأني بطلع لأول مرة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت آيات أباظة: "شكرا لكل حد سأل عليا ودعا لي ووقف جنبي دعواتكم ليا النهاردة ، على نايل دراما الهوا من 8ونص لـ 10".

نرشح لك: ماجد الكدواني يشارك كريم عبد العزيز في "الفيل الأزرق 3"

منشور آيات أباظة

وكانت آيات أباظة حكت عن رحلتها مع مرض السرطان بعدما تعافت منه.

وفي مداخلة هاتفية ببرنامج "تفاصيل" قالت آيات أباظة: "رحلة صعبة أوي لدرجة إني مش مستوعبة إني الحمد لله خفيت ومكنتش متخيلة إني ممكن أمر بالتجربة دي مكنتش متخيلة ممكن اتعرض لكل اللي شفته بس الحمد لله من أول يوم وأنا راضية، وكنت حاسه أن طالما ربنا عمل كده يبقى أكيد بيحبني".

وعن اكتشافها للمرض قالت آيات أباظة: "مكنش في حاجة فجأة حسيت أن في وجع في بطني رحت للدكتور طلب تحاليل وعلى طول بينت كل حاجة، اللي راح جاب نتيجة التحاليل كان عمرو محمود ياسين وكان هو بياخد نتيجة أي حاجة بعملها ويقولي النتيجة بطريقة عشان متخضش، أول ما عرف وشه كان مخضوض وفيه حزن".

وكشفت آيات أباظة رحلتها مع العلاج: "عملت عملية جراحية كبيرة وصعبة استمرت 12 ساعة في أكتوبر اللي فات، أنا مريت بمرحلتين أخدت كل حاجة علاج وعملية وطلبوا بعد 3 شهور متابعة ومع أول متابعة اكتشفت أن في مكان تاني وابتديت رحلة جديدة".

وأوضحت آيات أباظة أنها تنسى المرض عندما لا تأخذ جرعات الكيماوي لكن بمجرد أخذها للجلسات تعود كل الآلام قائلة: "أنا طول ما أنا مش تعبانة من جرعات الكيماوي والعلاج لما ببقى مريحة شوية من الجرعات بنسى إني عيانة وبهزر وبضحك، الموضوع بيبقى كبير لما ببقى تعبانة التعب صعب وببقى نفسيا مش كويشة وأنا عارفة أن أهم حاجة في المرض دا النفسية بس غصب عني لأنه مرض صعب ربنا ما يكتبه على حد".