أحمد عز
روى النجم أحمد عز قصة كوميدية خلال تكريمه بجائزة فاتن حمامة للتميز في حفل افتتاح الدورة الـ45 من مهرجان القاهرة السينمائي الدولي.
قال أحمد عز: "من حوالي ٢٤ سنة خيروني بين أكمل في شغلي وبين بطولة أول فيلم سينمائي، واخترت دخول مجال التمثيل بدون رغبة أهلي، وانا بصور كان مهرجان القاهرة هيشتغل، وكان نفسي احضر المهرجان، وكان نفسي الدعوة تيجي على البيت مكتوب عليها (الفنان أحمد عز) مش لسبب غير إني أقول لأبويا وأمي إني اخترت صح، المهم الدعوة مجتش، فضلت مستني أسبوع، لحد ما جيه يوم المهرجات الصبح، ومافيش دعوة، خدت عربيتي وطلعت على إدارة المهرجان، إزاي الدعوة ماتجيليش، المهم هما كانوا في غاية الكرم معايا، وادوني الدعوة ورجعت البيت".
افتتاح مهرجان القاهرة السينمائي 45
افتتاح مهرجان القاهرة السينمائي 45وأضاف أحمد عز: خدت دش، وحلقت ولبست وكنت عايز أبقى أبيض واحد على الريد كاربت من النضافة، على أساس أن أنا هتصور، وأبويا وأمي اللي قاعدين في البيت هيشوفوني ويبقوا فخورين بيا، دخلت على الريد كاربت، وحطيت إيدي في جيبي وعملت وشي إن أنا مثقل بالفن جدا، عديت على أول كاميرا محدش عرفني، التانية كذلك، نايل سينما ونايل دراما والأسرة والطفل، مافيش خالص، قولت مش مشكلة، كان نفسي ابقى قاعد في النص هنا، عشان الكاميرا تيجي علي فيشوفوني ويبقوا فخورين بيا، جاي ادخل من الباب، وقفني رجل الأمن وقال لي حضرتك قاعد فوق.
وداعبته إحدى الجالسات في المنطقة المقصودة، ليرد عليها: "هي البداية بتبقى كدة ماتقلقيش"، واستكمل: روحت البيت وأنا متضايق جدا جدا، ودخلت علي أمي ودعت لي (ربنا ينولك مرادك)، وتلف الأيام وأجي أقف على خشبة دار الأوبرا العريقة، واتكرم وأخد جائزة اسم صاحبة الجايزة لوحده جايزة، ومن وزير الثقافة ونجم النجوم اللي مجاش زيه الأستاذ حسين فهمي، وللاسف كل دا بييجي وأبويا وأمي مش موجودين، بس أكيد لو كانوا موجودين كانوا هيبقوا فخورين بيا".
افتتاح مهرجان القاهرة السينمائي 45
وتابع أحمد عز: "الأهم بقى الجايزة العظيمة دي، دا مش اجتهاد مني، بالعكس، دا تكريم لكل واحد علمني وليه الفضل عليا واعتبر الجائزة حافز للي جاي، لأني لحد انهاردة أنا حاسس إن أنا معملتش حاجة خالص، أنا لسه بفتكر قعدتي مع المنتج الكبير وائل عبد الله والمخرجة ساندرا نشأت في المكتب، وهم بيفكروا هيعملوا ايه في فيلم (ملاكي اسكندرية) ويقدموني للناس إزاي، فاكر دا كإنه امبارح، وبشكرهم".
افتتاح مهرجان القاهرة السينمائي 45واختتم كلمته قائلا: "اسمحوا لي في النهاية إن الجايزة دي عايز أهديها لشخص، نجم عزيز عليّ وعلينا كلنا وملهم لينا، قال لي في يوم (الالتزام والورق هما أبوك وأمك في الصناعة دي) ودا حقيقي، يارب كل زملائي وأصدقائي يقفوا يتكرموا تكريمات أكبر من دي بكتير، واسمحوا لي في النهاية أهدي الجائزة دي للنجم للزعيم عادل إمام".
ماذا قالت شعبة المصورين الصحفيين عن المشاجرة بين أحمد الفيشاوي وأحد مصوري عزاء والدته سمية الألفي
أيمن بهجت قمر: "طلقني" بيمثل تجربتي الشخصية
رسالة محمد إمام لـ محمد صبحي وصناع فيلم "الست"
انتحار الممثل الأمريكي جيمس رانسون
جيهان سلامة: جوزي ضربني بعد الجواز بأسبوع بسبب دوري في فيلم "لحم رخيص"
أحمد العوضي: عمري ما قلت إني سنجل
جيهان سلامة: خطيبي خاني بعد 3 سنين مع صديقتي المقربة
أحمد العوضي: الطلاق ربنا شرعه ... اللي ماسك الريموت ومستني أتكلم يبقى أقفل واتكل على الله
أحمد خالد صالح يساند زوجته هنادي مهنا في العرض الخاص لـ "خريطة رأس السنة" - صور
جيهان سلامة: جالي سرطان القولون والدكتور قالي مش هتعيشي أكتر من 9 شهور
أسرة هند رستم تقاضي أسرة مسلسل "هنومة" الذي يتناول قصة حياتها
سوسن بدر: الموت منتهى الحرية
إيمي سمير غانم: كنت بقفل بالمفتاح على أبويا وأمي وقت كورونا وعندي طرق لمعرفة باسورد حسن الرداد
آخر رسالة صوتية من سمية الألفي لـ أحمد الفيشاوي: ربنا يريح قلبك زي ما بتريح قلبي
شيرين عن وفاة سمية الألفي: ست أصيلة كانت قاعدة تحت رجل طليقها فاروق الفيشاوي في مرضه
الناس مش ناقصة هموم .. كندة علوش تتحدث عن تجربة المرض
عائشة بن أحمد: الصدفة قادتني للتمثيل… ومصر محطة صعبة لكنها تصنع النجومية
جيهان قمري باكية: حسيت بالذنب إني سبب وفاة والدي
ياسمين عز تهاجم محمد صبحي: إلزم حدودك
هل تعود لشريف سلامة؟ داليا مصطفى تجيب
#شرطة_الموضة: عبير صبري بإطلالة cowgirl في جلسة تصوير جديدة
حصاد 2025- محمد هنيدي ومحمد فؤاد ورامي إمام وريم مصطفى من بينهم … نجوم احتفلوا بزواج أبنائهم هذا العام
ماذا قالت شعبة المصورين الصحفيين عن المشاجرة بين أحمد الفيشاوي وأحد مصوري عزاء والدته سمية الألفي
أحمد رفعت: أنا أقل الفنانين أجرا وجاملت المنتجين في أعمال كثير