أحمد حاتم: مش ندمان على فيلم "الملحد"

نهال ناصر | فى سينما وتلفزيون

أحمد حاتم

السبت , 19 أكتوبر 2024 - 11:10 | اخر تحديث: السبت , 19 أكتوبر 2024 - 11:10

أكد الفنان أحمد حاتم أنه لم يندم على تقديم فيلم "الملحد" موضحا أن الفيلم لا يروج للإلحاد كما يقول البعض.

وتحدث أحمد حاتم عن الفيلم خلال لقائه ببرنامج "ضيفي مع" مع الإعلامي معتز الدمرداش وقال: "مش ندمان على دور "يحيى" في فيلم "الملحد"، الفيلم معظم الجدل اللي عليه بسبب عنوانه ودا كان متوقع، لكن الأكيد إني مش هعمل حاجة أخجل منها أو أكون ندمان عليها، أنا عاقل وراشد، ممكن نغلط أكيد لكن دا عمل حساس جدا وفي موضوع أنا شايف أن مهم أننا نتكلم عنه مش عشان نروج له، أنا مش بتكلم عن الإلحاد عشان أروج له دا أكيد، من وجهة نظري اللي ممكن ناس تشوفها جدا لما تتفرج وممكن ناس تحس هو إحنا ليه بنتكلم في الحاجات دي دا عادي ووارد".

تابعوا قناة FilFan.com على الواتساب لمعرفة أحدث أخبار النجوم وجيدهم في السينما والتليفزيون اضغط هنا

فيلم الملحد

وعن موعد عرض الفيلم الذي تأجل أكثر من مرة قال أحمد حاتم: "معنديش معلومة أكيده لكن أتوقع أن أكيد هيجي وقت يتشاف لأن بقى فيه كذا وسيلة لعرض العمل الفني ممكن في السينما وممكن في المنصات، لكن أمتى معرفش، ما أتمناه أن وقت ما يتشاف يبقى الناس شايفه فيه حاجة كويسة زي ما أنا كنت شايف".

أحمد حاتم

نرشح لك: شيكو ويوسف الشريف وأكرم حسني وكارمن سليمان من بينهم … النجوم يحتفلون بخطوبة منة عدلي القيعي ويوسف حشيش

وعن كواليس موافقته على الدور قال أحمد حاتم: "موافقتش على الدور على طول، المخرج ماندو العدل قالي عليه كان وقتها عامل فيلم "صاحب المقام"، إحنا شغالين على الفيلم من 2021، ونهاية الفيلم مؤثرة جدا، أنا استشرت وأخدت رأي ناس لما اتعرض عليا الفيلم، مش كفكرة أعمله ولا لأ، لكن أخدت رأي ناس أهل ثقة في تناول حاجات معينة".

أحمد حاتم

فيلم "الملحد" من بطولة أحمد حاتم، محمود حميدة، صابرين، شيرين رضا، تارا عماد وغيرهم ومن إخراج محمد العدل وتأليف إبراهيم عيسى.

اقرأ أيضا:

مي حلمي: اتحرمت من كلمة "إنت طالق" ... ورفضت نص مليون مقابل الكلام عن حياتي الشخصية

إلهام عبد البديع تعلن عودتها للملحن وليد سامي: دار الإفتاء قالت طلقة واحدة لا تحسب

محمود شاهين عن وجود راقصة في حفل عيد ميلاده: مراتي اللي جابتها عشان عارفة أني بحب الرقاصات

تفاصيل الساعات الأخيرة في حياة الشاعر أحمد علي موسى: لعب كرة قدم وتوفى في منزله

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5