شريف نور الدين يحكي كواليس لقائه مع عادل إمام في الجونة: مكسفنيش ولا حاجة

نهال ناصر | فى حياة المشاهير

شريف نور الدين

الأحد , 6 أكتوبر 2024 - 13:10 | اخر تحديث: الأحد , 6 أكتوبر 2024 - 13:10

حكى الإعلامي شريف نور الدين كواليس لقائه مع الفنان عادل إمام في الدورة الأولى من مهرجان الجونة السينمائي عام 2017، موضحا أن الجميع تحدث أنه تعرض للإحراج لكن هذا لم يحدث.

وقال شريف نور الدين خلال لقائه في برنامج "بالمايك والقلم" من تقديم عبد العزيز أحمد: "الناس افتكروا إن هو كسفني وهو مكسفنيش ولا حاجة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

شريف نور الدين

وتابع شريف نور الدين ليحكي ما حدث: "كنا في أول دورة من مهرجان الجونة السينمائي، وإحنا في الاجتماع وبنجهز للسجادة الحمراء، قالوا عادل إمام هيجي وأنت هتعمل معاه لقاء، أنا من خبرتي وشغلي قلت لهم يا جماعة الراجل ده مبيقفش يعمل لقاءات على الريد كاربت مستحيل إلا لو بالاتفاق، قالوا لأ ملكش دعوة إحنا مظبطين".

نرشح لك: تامر حسني وأحمد السقا ومي عمر ومحمد سامي وشيكو من بينهم … النجوم في حفل زفاف ابنة علاء مرسي

شريف نور الدين وعادل إمام

وأكمل شريف نور الدين: " عادل إمام جيه وداخل مع المهندس نجيب ساويرس وأنا واقف مع تامر حبيب ولبلبة وأنا كان معايا ورق كتير ومن الهواء الورق وقع من إيدي، وطيت أجيب الورق برفع راسي لقيت عادل إمام واقف في وشي، قلت له معلش شفت عادل إمام الورق وقع أعمل إيه فضحك وكان لطيف جدا وقالي أنا داخل بقى، وأنا كان عندي اختيارين يا أمسك المايك واسأل يا أشوف هو هيققف ولا لأ، وأنا شايف أن هو مش هيقف".

شريف نور الدين

وأضاف شريف نور الدين: "اليوم عدى الدنيا لذيذة والدة زميلنا كريم صبحي، متزعلش، سألتها مزعلش من إيه أنا عملت إيه، قالتلي عشان اللي حصل مع عادل إمام وأن هو كسفك وأنا رديت أنه هو مكسفنيش، ولقيت يومها بالليل الكل كاتب عن الموضوع".