هالة صدقي تحكي عن أول قصة حب في حياتها: متجوزناش لاختلاف الديانات

نهال ناصر | فى سينما وتلفزيون

هالة صدقي

الأحد , 7 أبريل 2024 - 15:04 | اخر تحديث: الاثنين , 8 أبريل 2024 - 10:04

حكت الفنانة هالة صدقي عن أول قصة حب في حياتها ولماذا لم تنته نهاية سعيدة وتكلل بالزواج.

وقالت هالة صدقي خلال لقائها مع الإعلامي عمرو أديب في برنامج "بيج تايم بودكاست" المذاع عبر قناة MBC: "أول قصة حب كان شاب معايا في النادي، كانت قصة حلوة وأنا كنت صغيرة وجيه اتقدملي لكن طبعا منفعش لاختلاف الديانة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

هالة صدقي وعمرو أديب

وتابعت: "حبيته لكن كان صعب المجتمع بتاعنا أنا وهو مكنش ينفع، كان بيجي يعدي تحت العمارة ويقف وأنا قاعدة في البلكونة بذاكر عشان يشوفني، هو كان رياضي وأنا رياضية وكان الفرق بتقعد مع بعض في النادي واتعرفنا".

نرشح لك: مصطفى شعبان: حريق ديكور "المعلم" عملنا صدمة كبيرة وغيرنا مواقع التصوير

هالة صدقي من بودكاست بيج تايم

كما تذكرت هالة صدقي حكاية أخرى عن حبيب مجهول قائلة: "كنت وقت الامتحانات أصحى أقعد أذاكر الصبح بدري في البلكونة، وكان في عمارات جنبي ألاقي نور البلكونة مفتوح ناس تانية بتذاكر، وكان في راجل كبير في الدور الرابع قاعد هو كمان، كان بيجيلي جوابات غرامية بيحطها في البوسطة وأنا مش عارفة من مين، كلها ليه بتصحي بدري أوي كده الدنيا برد عليكي، بعدها اكتشفت أنه ده جد صاحبتي اللي بيبقى قاعد في البلكونة، وبعدها مات جاله نزلة برد لأنه كان بيقعد الصبح بدري في البلكونة".

هالة صدقي

يذكر أن هالة صدقي غابت هذا العام عن دراما رمضان، وكان آخر أعمالها مسلسل "جعفر العمدة" وعرض في رمضان 2023 من بطولة محمد رمضان وزينة ومي كساب وإيمان العاصي وأحمد فهمي وطارق النهري، تأليف محمد سامي ومهاب طارق وإخراج محمد سامي.

اقرأ أيضا:

شريف رمزي لـ"في الفن": ممثلين وناس في الشارع سألوني عن نهاية "خالد نور وولده نور خالد" وتحليلات الجمهور مختلفة عن اللي هيحصل

دنيا سمير غانم: صورة بابا وماما وهما تعبانين مش بتروح من بالي

خطأ في الحلقة الـ13 من مسلسل "خالد نور وولده نور خالد"

#شرطة_الموضة: مي عمر بـJumpsuit وCape أزرق فاتح.. يصلح لليالي رمضان

لا يفوتك: نيقولا معوض يتحدث لـ في الفن عن مسلسل الحشاشين ودور عمر الخيام واستخدام العامية المصرية

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5