محمد سامي: نفسي أخد الأوسكار وشغال على فيلم عالمي مع كاتب أمريكي (فيديو)

نهال ناصر | فى سينما وتلفزيون

محمد سامي

الثلاثاء , 12 مارس 2024 - 13:03 | اخر تحديث: الثلاثاء , 12 مارس 2024 - 13:03

كشف المخرج محمد سامي إنه يتمنى الحصول على جائزة الأوسكار وتقديم أعمال سينمائية مهمة، موضحا أنه يعمل حاليا على فيلم عالمي.

وقال محمد سامي خلال لقاء ببرنامج "أسرار" من تقديم أميرة بدر عبر قناة "النهار": "نفسي أعمل فيلم مش تجاري بس بخاف، ونفسي أعمل مسلسلات مش تجارية وبخاف، السينما نفسي أعملها بأشكال كتير نفسي أعمل 20 نوع فيلم ويكون في رصيد سينمائي كبير، في فيلم مش مصري فيلم كونغولي بيتكلم عن بطل من الكونغو نفسي أعمله فيلم عالمي، وفي ناس بتساعدني من برا مصر مضيت معاهم وبنشتغل على الفيلم لكن هو هياخد وقت كبير في التحضيرات ويارب يصدقوا ونعمله".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد سامي كشف عن تحضيره لفيلم عالمي

وتابع محمد سامي متحدثا عن فيلمه الجديد: "هو فيلم إنساني جدا قصة حقيقية وأخدت حقوقها وكتبت معالجة، ولجأت لكاتب أمريكي مش هقول مين لكن هو حاصل على الأوسكار، بيكتب الفيلم، وفي شركة إنتاج كانوا زاروا الوطن العربي وقعدوا مع قناة كبيرة وشافوا شغلي ورشحوني لمسلسل 6 حلقات مع شركة كبيرة جدا، لكن كان في حد تاني مرشح غيري وهو يستحق أكتر لأنه أنجح عالميا وكانت المقارنة ظالمة، الناس لما عرضت عليهم الفكرة كانوا متحمسين ومتشوقين إننا نشتغل سوا وعجبهم الموضوع".

نرشح لك: أصالة تتحدث عن إصابتها بشلل الأطفال: المرض مستمر وأتغلب عليه بالتمارين

محمد سامي تحدث عن أمنيته في الحصول على الأوسكار

وأكمل محمد سامي: "أنا عايز أوصل العالمية بطريقتي وأقدم اللي بحبه ونفسي أخد الأوسكار، ربنا كبير جدا وجميل أنا عمري ما سألت ربنا مثلا أقوله أديني قسط المدرسة بتاع ولادي بقول يارب أديني 10 مليار دولار، ربنا سبحانه وتعالى يملك كل شيء ودايما بطلب منه أكبر حاجة".

وأوضح محمد سامي إنه لا يعتبر نفسه محظوظا في السينما وأنه ليس الأنجح فيها قائلا: "في السينما أنا مش الأنجح لما أعمل أفلام أحسن من اللي زمايلي عملوها، مش محظوظ أوي أنا لما نجحت في الدراما غبت عن السينما، مش عايز أرجع بأي أفلام عاوز أرجع بأفلام قوية، بحضر وماضي أكتر من حاجة، لكن دايما بتراجع وبخاف مش عايز أعمل حاجة اقل من اللي عملتها في الدراما وشايف إني أقدر أعمل سينما كويسة جدا، عملت أفلام كانت كويسة لكن مش أعظم أفلام بالنسبة ليا مع احترامي لكل منتجيها وصناعها وأبطالها لكن حاسس إني عندي أحسن بكتير".

محمد سامي

يذكر أن محمد سامي يشارك في رمضان 2024 بمسلسل "نعمة الأفوكاتو" بطولة مي عمر.

اقرأ أيضا:

محمد سامي: كتبت 17 حلقة من الجزء الثاني من "جعفر العمدة" ومحبتوش

أحمد الفيشاوي: كنت إخوان لمدة سنتين وإتعلمت حاجات مختلفة

انهيار وبكاء أمير كرارة أثناء حديثه عن والده الراحل (فيديو)

بوسي: كان بيترمي على نمرتي 200 ألف جنيه في شارع الهرم ... وجوزي سيطر على تصرفاتي بالسحر

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5