عصام كاريكا يكشف سبب خلافه مع محمد سعد: لسة زعلان لحد دلوقتي

أحمد حتحوت | فى حياة المشاهير

عصام كاريكا

الخميس , 29 فبراير 2024 - 13:02

كشف الفنان عصام كاريكا عن سبب خلافه مع الفنان محمد سعد، بسبب إحدى أغنيات فيلم "بوحة"، حيث غيّر في كلمات الأغنية بطريقة غير منطقية.

وأوضح كاريكا خلال حواره مع الإعلامية منى الشاذلي في برنامج "معكم" على قناة ON، أنهما لم يتعاونا سوياً منذ ذلك الحين، رغم تعاونهما في 4 أفلام سابقة، قائلا: "حصل خلاف كبير جدا ومن ساعتها متعاملناش تاني.. الأغنية الأساسية بتقول: أول ما عرفت إنك عاوزني جيت أوام مقدرش استغنى عنك يا معلمني الغرام، واقولك برضو إني ياللي في بعدك ناسيني أؤمرني هتلاقيني تحت السلم بنام"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عصام كاريكا

وتابع: "هي كده.. دي قافية مظبوطة.. لكن وإحنا في الاستوديو.. سعد قالي لا.. نشيل (هتلاقيني تحت السلم بنام) ونخليها (سجادة بين إيديك).. فقلت له مينفعش لازم تبقى مظبوطة، قالي لا عاوزها كده وزعل وكان هيمشي".

عصام كاريكا

أضاف: "كلمت المنتج وائل عبد الله.. قلت له محمد سعد بيغير الكلمات لحاجة مش فاهمها.. فقالي عشان خاطري والنبي مشيها، الفيلم واقف.. فعملناها ومشيت.. لسه زعلان لحد الآن وببقي هموت كل ما اسمعها".

على صعيد آخر، كشف عصام كاريكا عن الأغنية التي ندم عليها في مسيرته الفنية، قائلا: "زعلت من نفسي وندمت على أغنية (حب إيه) في فيلم (اللمبي).. لو رجع بيا الزمان هرفض أعلّم جيل جديد (حب إيه) بالطريقة اللمباوية مش بطريقة أم كلثوم".

وواصل: "أنا كنت صاحب الفكرة وكنت ببجح وأدافع عن الأغنية، بس بعترف دلوقت إن ده كان غلط".

اقرأ أيضا:

رنا رئيس تعتذر للسيسي بعد توترها أمامه في حفل قادرون باختلاف... والرئيس يرد عليها

زوجة بيومي فؤاد تروي حكاية تعارفهما: أثناء صلاته على مسرح الكلية سجد في قلبي

هند عبد الحليم: شلت الحسنة عشان زهقت.. كانت بتاخد العين

القائمة الكاملة لمسلسلات الـ30 حلقة في رمضان 2024 … الحشاشين أبرزهم

لايفوتك: #شرطة_الموضة: أجمل إطلالات النجمات في Joy Awards ... وأسوأ الإطلالات

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5