سوسن بدر عن رفضها عمليات التجميل: مش هيجيلي دور بنت في ثانوي (فيديو)

نهال ناصر | فى حياة المشاهير

سوسن بدر

السبت , 13 يناير 2024 - 10:01 | اخر تحديث: السبت , 13 يناير 2024 - 10:01

تحدثت الفنانة سوسن بدر عن فكرة الخضوع لعمليات تجميل مؤكدة أنها لا تحب تغيير شكلها وتحب كثيرا الخطوط الموجودة في وجهها مشيرة إلى أنها لن تحصل على دور فتاة جامعية أو في المرحلة الثانوية لذا لا تحتاج أن تبدو أصغر عمرا.

وقالت سوسن بدر خلال لقائها مع الإعلامي معتز الدمرداش في برنامج "ضيفي" المذاع عبر قناة الشرق للأخبار: "أنا دلوقتي بقيت كده وزي ما الناس قبلتني زمان وحبوني، هيحبوني دلوقتي وأنا كده ويحبوني بعدين وأنا أكتر من كده، والخطوط اللي عندي في وشي أنا بحبها جدا، أحط حقنه في وشي ليه؟ أنا مش ضد ده كل واحد حر يعمل اللي يبسطه أنا اللي باسطني أني محافظة على حواديت عمري في وشي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

سوسن بدر تحدثت عن عمليات التجميل

وتابعت سوسن بدر: "أنا مش هيتعرض عليا دور بنت في الجامعة ولا ثانوي هيجلي دور مناسب لسني وشكلي زي ما أنا كده واللي عايز يعمل يعمل، كل واحد يعمل اللي يبسطه".

نرشح لك: نهاد أبو القمصان تفتح النار على مسلسل "حالة خاصة": ده لا قانون ولا أخلاق ولا دي المحاماة

سوسن بدر تكشف لمعتز الدمرداش موقفها من عمليات التجميل #ضيفي_مع_معتز_الدمرداش
الحلقة كاملة: https://t.co/WXQE2rzb5d #الشرق #الشرق_للأخبار pic.twitter.com/jdPWhv5RQj
— Asharq News الشرق للأخبار (@AsharqNews) January 13, 2024

وخلال الحلقة كشفت سوسن بدر عن أبرز ملامح طريقتها للمحافظة على قوام رشيق، سواء باتباع نظام غذائي مناسب، أو ممارسة أنواع معينة من الرياضة.

سوسن بدر من برنامج "ضيفي مع"

وقالت: "أنا مش حارمة نفسي من حاجة، لإني لو حرمت نفسي ممكن أنفجر في الأكل مرة وحدة، أنا أكلي مرتين في اليوم، فطار كويس جدا، وآخر وجبة مع الغروب كإني في رمضان، وآكل كل حاجة لكن الحلويات على طرف الشوكة لو نفسي في حتة بسبوسة".

وتابعت: "مقدرش آكل فاكهة كتير لأنه سكرها يسبب الجوع أكثر، لكن ممكن أضيفها على السلطة".

سوسن بدر كشفت عن نظامها الغذائي

وردا على سؤال حول ممارستها الرياضة، قالت سوسن بدر: "طول عمري ممارسة جادة للرياضة، ويوميا لازم ساعتين في الجيم، لغاية ما حصل كسر في رجلي، والأطباء محبذين حفاظي على المشي والسباحة".

يذكر أن سوسن بدر تستعد لخوض موسم دراما رمضان 2024 من خلال مشاركتها في بطولة مسلسل "قلع الحجر".

وتدور قصة مسلسل "قلع الحجر" في إطار درامي تشويقي واجتماعي، ويتم تقديمه باللهجة الصعيدية، والعمل مستوحى من أحداث حقيقية، وتدور أحداثه في منطقتي "النوبة" و"قمولة" في صعيد مصر، ويتناول حقوق المرأة.

وتضم قائمة الفنانين المشاركين في مسلسل "قلع الحجر"، كلا من سوسن بدر، منى عبد الغني، محمد رياض، عبد العزيز مخيون، يوسف إسماعيل، منة فضالي، والعمل إخراج حسني صالح.