حكى الموسيقار مجدي الحسيني عن بداية تعاونه مع الفنانة الراحلة أم كلثوم ومشاركته في فرقتها، وما حدث بسببه بينها وبين الموسيقار رياض السنباطي.
وخلال لقائه في برنامج "القاهرة اليوم" حكى مجدي الحسيني كيف ساعده رياض السنباطي في إقناع أم كلثوم بأن يعزف على "الأورج" وهو يقف على قدميه وليس جالسا.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وقال: " الأورج معمول علشان العازف يبقى واقف وهو بيعزف، وأم كلثوم معندهاش حاجة اسمها عازف واقف الفريق كله قاعد، وعشان أقدر أقف في الحفلات وأنا بعزف كانت حكاية".
نرشح لك: ابنة أسما شريف منير لمنتقدي والدتها: معندكوش شجاعتها ومحدش طلب رأيكم
وتابع مجدي الحسيني: "أول أغنية تعاونت فيها معاها كانت "أقبل الليل" كنت بعزف وأنا مش متمكن والأستاذ رياض السنباطي قالي "إيه يا ابني مش بتشلع ليه شخلعه" رديت قولتله أنا مش مالك وأنا قاعد بعزف، فقال "وإيه اللي مقعدك ما تقوم تقف" والسيدة أم كلثوم ردت وقالت "لا أنا معنديش حد يقف في الفرقة".
وأكمل مجدي الحسيني حكايته: "رياض السنباطي كانت شخصيته قوية وضغط عليها وقالها لا "الأورج" معمول على أساس إن العازف يكون واقف، فوافقت، بعدها أستاذ عمر خورشيد قال وأنا أقف أنا كمان فقالت لي "الله يخربيتك يا حسيني الفرقة كلها هتبقى واقفة وأنا اللي قاعدة".
يذكر أن "كوكب الشرق" أم كلثوم رحلت عن عالمنا في 3 فبراير عام 1979.
اقرأ أيضا:
#شرطة_الموضة: داليا شوقي بفستان أخضر فاتح في مهرجان القاهرة للدراما ... سعره تجاوز 55 ألف جنيه
"ليا" ابنة نانسي عجرم تغني "تيجي ننبسط" بطريقتها الخاصة (فيديو)
تامر أمين لشريف منير وابنته أسما: خلوا التريند بأعمالكم الفنية مش حلاقة الشعر
لا يفوتك: ساعة مع الفنان علي الحجار ... حكاوي وفن وغنا
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5