ماندو العدل: محمد هنيدي كان مع تامر حسني في "البدلة" مكان أكرم حسني وعيطت بعد ما خلصت الفيلم

نهال ناصر | فى سينما وتلفزيون

ماندو العدل ومحمد هيندي

الثلاثاء , 18 يوليو 2023 - 13:07 | اخر تحديث: الثلاثاء , 18 يوليو 2023 - 15:07

حكى المخرج ماندو العدل كواليس فيلم "البدلة" كاشفا لأول مرة أن الفنان محمد هنيدي كان سيشارك فيه.

وخلال لقائه في "بودكاست" مع قناة "بتاع أفلام" مع أحمد كمال قال ماندو العدل: " فيلم "البدلة" دا كان تامر حسني ومحمد هنيدي ومكانش أكرم حسني، دي أول مرة أقولها في حياتي، وفي السيناريو مكانوش بيتولدوا في نفس اليوم أضفناها عشان يبقى أكرم، ومحمد هنيدي كان موافق بس حصل مشكلة مع المنتج في الاتفاق، وحتى أن محمد هنيدي قال أفكار وأخدناها واستأذنته أخدها، وأكرم حسني لما قدم الدور نجح نجاح كبير".

محمد هنيدي

نرشح لك: ملخص تصريحات ريم طارق طليقة شاكوش: خانني في نهار رمضان مع ممثلة ثالث حرف منها "ر" ... والموضوع أكبر من خيانة بيعمل حاجة ماقدرش أشوفها

وحكى ماندو العدل عن كواليس الفيلم وأنه بعدما انتهى منه بكى كثيرا خوفا من عدم نجاحه وقال: "فيلم البدلة غريب بالنسبة ليا، نوع الفيلم الكوميدي مش ذوقي أدخله سينما واضحك لكن مش بتاعي معرفش جابوني أعمله ليه ولما تامر حسني كلمني على الفيلم قولت ليه أنا، كنت خارج من مسلسل "لأعلى سعر" مع نيللي كريم، كان عندي تشكك كبير وأنا بعمله من أول يوم لآخره أني هعرف اعمله، وعندي مشكلة أني اشتغلت مساعد مخرج في أفلام كوميدي وكنا من أول اليوم لآخر اليوم الناس في الكواليس بتضحك وينزل السينما مينجحش، وأنا بعمل الفيلم الناس بتضحك في التصوير وكنت خايف ودا كان تاني فيلم ليا".

ماندو العدل وتامر حسني من كواليس البدلة

وتابع: "خلصت الفيلم وسلمته إحنا قعدنا نصور فيه قبل العرض بـ4 أيام، ركبت العربية سافرت الساحل الشمالي ودموعي لا تتوقف وبقول أنا خلاص انتهيت مش هعرف أعمل أفلام تاني والأحسن أركز في التليفزيون، وقفلت التليفون، جيه ميعاد عرض الفيلم وكنت عاوز أعرف عمل إيه بس كنت خايف، لقيت أخويا بيكلمني بعد العرض بيوم أن الناس قالبين عليا الدنيا، ولقيت الفيلم عامل إيرادات كتيرة، أنا كان كل أملي أن تامر حسني كان عامل فيلم "تصبح على خير" عاوز أجيب نفس الإيرادات عشان ميتقالش اني قللت من نجاحه".

ماندو العدل

وعن تقديم جزء ثاني من الفيلم: "من أيامها بيقولوا نعمل جزء تاني لكن تامر حسني وأيمن بهجت قمر انشغلوا في حاجات".

يذكر أن ماندو العدل بدأ تصوير أحدث أفلامه "حدوتة الأيام الباقية" مع أحمد حاتم وكارمن بصيبص ومراد مكرم، ومن تأليف محمد صادق، وإنتاج أحمد السبكي.

اقرأ أيضا:

عادل إمام ورطه ولجأ للارتجال ... محمد أبو داود يروي كواليس "مرجان أحمد مرجان"

ينافي الهوية الثقافية للشعب المصري.. نقابة الموسيقيين تلغي ترخيص حفل ترافيس سكوت في الأهرامات

طليقة حسن شاكوش: قالي هتسلى عليكي انتي وأهلك

منتج يفجر مفاجأة: لجأت لعلم الفلك و"خادم" للحصول على مستحقاتي من فيفي عبده ... ودي قرصة ودن

لا يفوتك: تحليل النغمات مع عمك البات: خطوات صناعة الأغنية

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5