في أول ظهور بعد استئصال الرحم ... حورية فرغلي توجه الشكر لهؤلاء النجوم

نهال ناصر | فى حياة المشاهير

حورية فرغلي

الجمعة , 14 يوليو 2023 - 17:07 | اخر تحديث: الجمعة , 14 يوليو 2023 - 17:07

في أول ظهور لها بعد خضوعها لعملية استئصال الرحم، وجهت الفنانة حورية فرغلي الشكر للنجوم وجمهورها على سؤالهم ودعائهم لها.

وظهرت حورية فرغلي في فيديو نشر عبر الصفحة الرسمية لقناة art وقالت فيه: "عايزه أقول مدام صفاء أبو السعود بتفرج عليكي من وأنا صغيرة وطول عمري كان نفسي أكون ضيفة في حلقات حضرتك،شكرا إنك افتكرتيني وبهديلك ورد على قدي صغير وبحبك أوي ونفسي نتقابل على الحقيقة، عاوزة أشكر هوانم الزمن الجميل مدام صفية العمري ومدام ميرفت أمين ومدام ليلى علوي ومدام إلهام شاهين وأستاذ أشرف زكي ومدام مادلين طبر ولطيفة وسميرة سعيد وأحمد زاهر ومحمد رمضان كمان سأل عليا، وناس كتير أوي مش عايزة أنسى حد عشان ميزعلوش".

حورية فرغلي في أول ظهرو بعد خضوعها لعملية استئصال الرحم

وتابعت لتحكي عن المكالمات التي تلقتها والهدايا التي أرسلت لها قائلة: "أنا أتولدت برا وعشت برا وكنت في مدرسة داخلية طول عمري، بابي كان في الكويت ومامي كانت مسافرة وأخويا كان في أمريكا وطول عمري كنت محتاجة للحنان والحنية اللي محستهمش وأنا طفلة، وعمري ما تخيلت أني هحس بيهم زي ما حسيت آخر أسبوع لما الدكتور قرر يستأصل الرحم بالكامل ودا معناه أني مش هيكون عندي أي أطفال زعلت شوية بس الحمد لله أنا راضية، تخيلت أن أولاد إخواتي هما أولادي وأي طفل بشوفه هيبقى ابني".

نرشح لك: صور جديدة ورسالة ... أول ظهور لـ نسرين طافش بعد الانفصال

وتابعت: "الحاجة الغربية أن تليفوني من امبارح مبطلش رن من صحفيين وفنانين وناس مش بيشتغلوا في الفن خالص وكمية الدعاء والضحك والحب أنا مكنتش مصدقة نفسي، حصل من الغريب ومحصلش من القريب ودي حاجة مأثرة فيا أوي، وفي يجي 40 شخص أنا معرفهومش ساكنين في العمارات اللي حواليا جابولي شيكولاتة وكيك وفضلنا نتكلم ونضحك، الحكاية دي أدتني قوة وطاقة أني لازم أقف على رجلي وأرجع تاني، أنا الحمد لله بقيت زي الفل ومش هتسمعوا عن عمليات ولا حوادث وهحاول أنقي قصص بتحبوها وأدوار تكون مميزة، هو في عملين مع أستاذ خالد الحجر وأكرم فريد إن شاء الله هندخلهم قريب".

وجهت حورية فرغلي الشكر لعدد من النجوم

واختتمت كلامها: "أنا أسعد إنسانة في الدنيا لأني عمري ما تخيلت أن في ناس متعرفنيش بتحبني، وبقول شكرا لكل حد دعالي وزعل عشاني وجالي وجاب لي ورد، أنا فخورة أني مصرية لأن معتقدتش في بلد تانية عملت كده مع فنانة مرت بظروف صعبة والناس كلها وقفت جنبها".

وكانت حورية فرغلي كشفت تفاصيل العملية الجراحية التي خضعت لها مؤخرا لاستئصال الرحم.

وقالت حورية فرغلي في مداخلة مع الإعلامية إيمان الحصري ببرنامج "مساء dmc": "الموضوع حصل بالصدفة، أنا من 15 سنة شيلت 7 أورام من الرحم، والدكتور إداني فرصة 10 سنين أتجوز وأحاول أخلف، ويشيل الرحم أثناء الولادة، لإن عندي كمية أورام كتيرة، لكن الشغل والفن أخذني ولم أرتبط".

حورية فرغلي

وأضافت: "كنت راجعة من أبوظبي وفي زيارة لحد في المستشفى، لقيت البنطلون كله نزيف، والدكتور كشف عليا وقال بكرا الصبح لازم عمليات".

وتابعت: "والدي جراح وقاللي الموضوع سهل عندك شوية أورام وعملية بسيطة بالمنظار وهتبقي زي الفل، لقيت عندي 9 أورام داخل الرحم 6 سم في 7 سم وسرطانية، وكان لازم يشيل الرحم بالكامل حتى عنق الرحم".

حورية فرغلي

يذكر أن حورية فرغلي انتهت مؤخرا من تصوير مشاهدها في فيلم "ظلال مهجورة"، الذي تعود به للسينما بعد غياب دام لأكثر من 4 سنوات.

ويشارك في بطولة فيلم "ظلال مهجورة" عدد كبير من الفنانين العرب، أبرزهم رشيد عساف، وحسن عبدالفتاح، منصور الفيلي، نادين خوري، زهير عبدالكريم، هيا القايدي من الإمارات، وعبير اليوسف من مصر، وولاء عزام ودلع نادر، ولين برازي وأيوب الحجلي.

اقرأ أيضا:

فلبينو يكشف لـ"في الفن" تفاصيل أغنية روبي وأحمد سعد "يا ليالي" ... معاكسة جديدة وكيميا الثنائي مفاجأة

رسالة حنان مطاوع للجمهور في أول ظهور بعد خضوعها لعملية استئصال الغدة الدرقية (فيديو)

خالد الصاوى: اتخذت خطوات لتحسين صحتي "بتمرن الصبح مش عاوز أعجز"

محمد أنور وأحمد فهمي يحتفلان بفوز الأهلي وأوس أوس يقع ضحية "سطلانة" (فيديو)

لا يفوتك: معتز هشام: اعرف واحد شبه "ياسين" في ليه لأ 3 اخدت منه حاجات ونيللي كريم اكتشفت إني مابعرفش أسوق

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5