أمل رزق: اتعميت 6 شهور بسبب صدمات ودعيت ربنا في رمضان والدكتور استغرب إني رجعت أشوف

مي جودة | فى حياة المشاهير

أمل رزق

الجمعة , 4 نوفمبر 2022 - 03:11 | اخر تحديث: الجمعة , 4 نوفمبر 2022 - 21:11

روت الفنانة أمل رزق قصة فقداتها النظر لمدة 6 شهور بسبب العديد من المواقف الصعبة التي مرت بها.

وقالت أمل رزق: "في 2013 كان ربنا ابتلاني كان عندي شوية صدمات، وكنت بفكر كتير جدا، وعندي عصب في دماغي ضرب واتعميت 6 شهور، ودعيت ربنا في رمضان وقُلت يا رب لو قومت أول حاجة هعملها إني هحج، والدكتور استغرب إني رجعت أشوف تاني"، حسب تصريحاتها في برنامج "كلام الناس" الذي تقدمه ياسمين عز عبر شاشة "MBC مصر".

وتحدثت أمل رزق خلال الحلقة عن فترة زواجها من المنتج الراحل إسماعيل كتكت، قائلة: "لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها وجايب لها معالق ألماظ في البيت، وده مكنش له أي أساس من الصحة مخلتهوش يعملي بطولات ومكنتش هقبل، وهو مكنش عايز ينتج ليا من الأساس".

أمل رزق

وأضافت: كان بيقولي لا يصح إلا الصحيح، وإحنا هنبدأ واحدة واحدة، ولكن بعد فترة، كنت بلمح له إنه ينتج ليا وسألني إيه اللي اتغير فيا لأن كبريائي كان بيمنعني أسأله.

يذكر أن أخر أعمال أمل رزق كان مسرحية "زقاق المدق" عام 2021 من إخراج عادل عبده، معالجة درامية محمد الصواف، وبطولة دنيا عبد العزيز، ضياء الميرغني، محسن محي الدين، نهال عنبر، بهاء ثروت، مجدي فكري وكريم الحسيني.

اقرأ أيضا:

محامي شيرين عبد الوهاب: لم تخرج من المستشفى مع حسام حبيب

إيمي سمير غانم تتنكر لمفاجأة حسن الرداد في جدة ... رومانسية الزوجين تظهر للمرة الأولى (فيديو)

#شرطة_الموضة: جويل ماردينيان ترتدي نفس فستان أنغام القصير.. سعره تجاوز الـ70 ألف جنيه

"الدعوة رشقت" ... ياسمين عز تشيد بتصريحات أمل رزق عن فسخ خطوبة ابنتها من محمد الشرنوبي

لا يفوتك: حلقة خاصة من شرطة الموضة عن أزياء محمد حماقي في عيد ميلاده

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5