جنات تكشف سبب زيادة حالات الطلاق.. وسر ابتعادها عن الفن لعامين (فيديو)

محمد أحمد | فى حياة المشاهير

جنات

الخميس , 21 يوليو 2022 - 14:07

كشفت الفنانة جنات أسباب الطلاق التي تحدث داخل الوسط الفني.

وقالت جنات، خلال لقائها ببرنامج "ET بالعربي": "حالات الطلاق التي تحدث ليس داخل الوسط الفني فقط ولكنها بين الناس العادية أيضًا".

نرشح لك - المنايرة يكشفون لـ"في الفن" كواليس مشاركتهم في كليب "للي": محمد منير الأب الروحي لنا وتربطنا علاقة شخصية به

وأضافت جنات: "أعتقد إن السبب هو الاختيار السيئ، فالفنان إنسان طبيعي برضو".

وعن سبب ابتعادها عن الوسط الفن لعامين، وذكرت جنات: "الزواج مرحلة مهمة في حياتي، وتستاهل إني أبتعد عن الفن، طول عمري كنت بحلم بيها، والحمد الله ربنا حققهالي، وحاليًا الأمر أصبح سهل لممارسة نشاطي الفني".

وتابعت: "أعتقد إني الحمد الله اخترت إنسان مناسب ليا، لأني عمري ما كنت فاكره قد إيه الزواج ده مهم، وقد إيه بيكون سند، وحاجة مهمة في الحياة".

وذكرت جنات: "مش سهل إنك تعمل عيلة وكنت فاكرة إن الموضوع أبسط من كدا، بس الزواج و الحمل والخلفة وبعد كدا الـBaby صغير و خلّفت تاني. لأ مش سهل طبعاً، بس الموضوع حلو ويستاهل كان حاجة مهمة ومرحلة مهمة في حياتي. أنا طول عمري بحلم بيها وربنا حققهالي وبناتي ابتدوا يكبروا وأنا أقدر أسافر وأشتغل وأنا مرتاحة".

جنات تعلمت تربية الفتيات من والدتها التي تحرص بشكل دائم أن تشكرها على السوشيال ميديا وشرحت أنها دائمة التفكير بهم، فقالت:"أحيانا ببقى مقصرة لما يكون في سفر، بس على طول بتلاقي نفسك بتخلص أي حاجة هم في بالي يعني وإنت بتشتغل الولاد في بالي، حتى وأنا مشغولة عنهم، ببقى متابعة عارفة هم فين وبيعملوا إيه صعب لما يبقى عندك أطفال صعب إنك تبعد لكن الذي يسهل موضوع التربية هو وجود زوج داعم مثل محمد عثمان".