حمو بيكا "حافي القدمين" في صورة قديمة: الشغل مش عيب

محمد أحمد | فى حياة المشاهير

حمو بيكا

الخميس , 7 يوليو 2022 - 13:07 | اخر تحديث: الخميس , 7 يوليو 2022 - 14:07

شارك مؤدي المهرجانات حمو بيكا، جمهوره بصورة قديمة له أعاد نشرها، عبر حسابه الشخصي بموقع التواصل الاجتماعي Facebook.

وظهر حمو بيكا في الصورة وهو يقف حافي القدمين أمام سيارة نقل، وعلق قائلا: "الشغل مش عيب، العيب إنك تداري الماضي بتاعك والمفروض تفتخر بيه، اللي في الصورة ده شقى وتعب سنين السنين عشان يوصل للي هو فيه دلوقتي، وراضي الحمد لله بكل حاجة في حياتي".

نرشح لك - تامر نبيل لـ"في الفن": أضفت تفاصيل لشخصية "أليعازر" بعيدا عن الرواية وأعتبر "كيرة والجن" عملا وطنيا

وتابع: "نصيحة مني لكل الشباب في الوطن العربي اتعب واشتغل أي حاجة واصرف على الحاجة اللي بتحبها عشان هتوصل للي إنت عايزه ربنا هيكرمك بيه".

من ناحية أخرى، رد حمو بيكا على الانتقادات التي تعرض عقب ما كتبه على صفحته عبر Facebook بعد استقالة هاني شاكر.

وقال حمو بيكا في بث مباشر: "هاني شاكر راجل مقامه كبير، على دماغي، وبحبه، ومفيش بيني وبينه أي مشكلة، وكنت زعلان إنه قدم استقالته، مع إني مش شغال في مصر وموقوف، ولكني مش زعلان".

وأضاف بيكا: "هاني شاكر أخويا الكبير، وبنتشرف بيه في كل حتة.. أنا نزلت صورة مكتوب عليها: (أنا راجع يا شوية جواجع)، ودي أغنية جديدة مع نور التوت، لكن الناس فهموا غلط، وحرَّفوا كلامي، وأنا مش مستحمل والله العظيم تلاتة، كل واحد فيه اللي مكفيه، أنا موقوف ومش معايا الكارنيه، لكن راضي بحكمة ربنا، وألف شكر ليك يا رب إني ماشي على رجلي وأنا علاقتي بهاني شاكر جيدة، ولا توجد أي خلافات بيننا".

وتابع حمو بيكا: "بقول لأستاذ هاني شاكر، أنا أخوك الصغير، وبحبك، ومفيش بيني وبينك أي حاجة، وقدَّرني زي ابنك، وأنا مش عاوز حاجة، ومش عاوز النقابة، أنا بس حبيت أوضح حقيقة تصريحاتي للجمهور، ولكل الناس اللي فهمت غلط، وإني مش قصدي أي إساءة".